၂၀၁၆၊ ဇန်နဝါရီ (၉)
Ooredoo MNL 2016 မြန်မာ နေရှင်နယ်လိဂ် ၂၀၁၆ ဘောလုံး ရာသီ ပြိုင်ပွဲဝင်အသင်း ၁၂ သင်းဖြင့် စတင်။ MNL (1)နှင့် MNL (2) ကို ဇန်နဝါရီလတွင် စတင်ခဲ့ခြင်းဖြစ်။

၂၀၁၆၊ ဇန်နဝါရီ (၁၁)
FIFA ဆေးဘက်ဆိုင်ရာ အရာရှိချုပ် ဒေါက်တာဂျရီနှင့် အဖွဲ့ မြန်မာနိုင်ငံ ဘောလုံး အဖွဲ့ချုပ်ထံ လာရောက်၍ FIFA 11 For Health အစီအစဉ် ဆောင်ရွက်နေမှုများကို လာရောက်ကြည့်ရှု။

၂၀၁၆၊ ဇန်နဝါရီ (၂၇)
ဂျာမနီ နိုင်ငံသား ကြံ့ခိုင်ရေး နည်းပြ မီရိုဆလပ်ကို လက်ရွေးစင် အသင်းအတွက် စာချုပ် ချုပ်ဆို။

၂၀၁၆၊ ဇန်နဝါရီ (၃၀)

စင်ကာပူ ခြေစမ်းပွဲ နှင့် လက်ဘနွန်တွင် ကစားမည့် ကမ္ဘာ့ဖလား ခြေစစ်ပွဲအတွက် ပဏာမ လူစာရင်းကို နည်းပြ ဂတ်ဆီဇီ ထုတ်ပြန်ခဲ့။

၂၀၁၆ ဖေဖော်ဝါရီ (၂)
အာရှ ဘောလုံး အဖွဲ့ချုပ်နှင့် ပူးပေါင်း၍ AFC (C) လိုင်စင်နည်းပြ သင်တန်း ဖွင့်လှစ်ခဲ့။

၂၀၁၆ ဖေဖော်ဝါရီ (၃)
မြန်မာနိုင်ငံ ဘောလုံး အဖွဲ့ချုပ်၏ ကာယလေ့ကျင့်ခန်းမ (Gym)ကို သုဝဏ္ဏကွင်းတွင် စတင်ဖွင့်လှစ်ခဲ့။

၂၀၁၆ ဖေဖော်ဝါရီ (၄)
နိုင်ငံတကာ ပွဲများအတွက် ပဏာမမြန်မာ့လက်ရွေးစင် အသင်း စတင် စခန်းဝင် လေ့ကျင့်။

၂၀၁၆ ဖေဖော်ဝါရီ (၇)
သုဝဏ္ဏကွင်းတွင် လစ်လပ်သွားသော ထိုင်ခုံများအား ပြန်လည်တပ်ဆင်မှု များပြုလုပ်ခဲ့။

၂၀၁၆ ဖေဖော်ဝါရီ (၁၈)
မြန်မာ့ လက်ရွေးစင် အမျိုးသမီး အသင်းနည်းပြချုပ် အဖြစ် နယ်သာလန် အမျိုးသမီး အသင်းအား ကမ္ဘာ့ဖလားပို့ဆောင် ပေးခဲ့သည့် နယ်သာလန် နည်းပြ ရော်ဂျာကို စာချုပ် ချုပ်ဆို ခေါ်ယူနိုင်ခဲ့။

၂၀၁၆ ဖေဖော်ဝါရီ (၂၇)
အာရှဘောလုံးအဖွဲ့ချုပ် (AFC) ဖူဆယ် နည်းပြသင်တန်းဆင်းပွဲ အခမ်းအနား ကျင်းပခဲ့။

မြန်မာနိုင်ငံ ဘောလုံး အဖွဲ့ချုပ် ဥက္ကဋ္ဌ ဦးဇော်ဇော်နှင့် ဒုတိယ ဥက္ကဋ္ဌများဖြစ်သည့် ဒေါက်တာ စိုင်းဆမ်ထွန်း နှင့် ဦးပြည့်ဖြိုးတေဇ တို့သည် FIFA Congress နှင့် ဖီဖာဥက္ကဋ္ဌနေရာ ရွေးချယ်ပွဲသို့ တက်ရောက်ခဲ့ကြသည်။

မတ်လ ၄ ရက်နေ့
မြန်မာနိုင်ငံဘောလုံးအဖွဲ့ချုပ်(MFF)နှင့် ဗြိတိသ ျှကောင်စီတို့ ပုူးပေါင်းကျင်းပသည့် Premier Skills Phase 3 ( Stage 3) ပိတ်ပွဲအခမ်းအနားကို ယနေ့နံနက်(၁၁)နာရီတွင် YTC ဘောလုံးကွင်းရှေ့ရှိ မြက်ခင်းတုကွင်းတွင် နံနက် (၁၁)နာရီမှ (၁၂)နာရီထိ ကျင်းပြုလုပ်ခဲ့သည်။ အခမ်းအနားသို့ MFF မှ ဥက္ကဋ္ဌ ဦးဇော်ဇော် ၊ အမှုဆောင်အရာရှိချုပ်နှင့် အထွေထွေအတွင်းရေးမှူး ဦးသန်းဇော် ၊ တွဲဖက်အထွေထွေအတွင်းရေးမှူး ဦးကိုကိုသိန်းတို့ တက်ရောက်ခဲ့ကြသည်။

မတ်လ ၈ ရက်
မြန်မာနိုင်ငံ ဘောလုံး အဖွဲ့ချုပ်၊ မြက်ခင်းတုကွင်း၌ 2016 AFC Women’s Football Day ဘောလုံးပွဲတော်ကို ကျင်းပပြုလုပ်ခဲ့ပါသည်။

၂၀၁၆ မတ် (၁၀)
ဂျပန်နိုင်ငံတွင် ကျင်းပမည့် JHENSEYS 2015 ASEAN U-14 GIRLS’ FOOTBALL FESTIVAL အာရှ အမျိုးသမီး ယူ၁၄ ဖိတ်ခေါ် ပြိုင်ပွဲသို့ သွားရောက်ယှဉ်ပြိုင်မည့် မြန်မာ့လက်ရွေးစင် ယူ၁၄ အမျိုးသမီး အသင်းအား အဖွဲ့ချုပ် ဥက္ကဋ္ဌ ပို့ဆောင်နှုတ်ဆက်ခဲ့။

၂၀၁၆ မတ် (၁၂)
မြန်မာနိုင်ငံ ဘောလုံး အဖွဲ့ချုပ်မှ ကြီးမှူး ကျင်းပ၍ SPY မှ ပံ့ပိုးကူညီသည့် MFF Spy Futsal League 2016 ပြိုင်ပွဲ၏ ဖွင့်ပွဲအခမ်းအနားကို မတ်လ ၁၂ ရက် နံနက် ၈း၃၀ နာရီက ရန်ကုန်မြို့ရှိ အမျိုးသား အားကစားရုံ-၁ သုဝဏ္ဏတွင် ကျင်းပခဲ့။

မတ်လ ၁၆ ရက်
အာရှ ဘောလုံး အဖွဲ့ချုပ်နှင့် မြန်မာနိုင်ငံ ဘောလုံး အဖွဲ့ချုပ်တို့ ပူးပေါင်းဖွင့်လှစ်သည့် AFC “B” Certificate Coaching Course သင်တန်းဖွင့်ပွဲ ကျင်းပခဲ့သည်။

၂၀၁၆ မတ်လ (၂၄)
မြန်မာ့ လက်ရွေးစင် အသင်းနှင့် စင်ကာပူ လက်ရွေးစင် အသင်းတို့ စင်ကာပူ နိုင်ငံ ဂျလန်ဘီဆာ ကွင်းတွင် ခြေစမ်းပွဲ ကစားခဲ့ရာ စင်ကာပူ အသင်းက (၂ – ၁)ဂိုးဖြင့် အနိုင်ရရှိခဲ့။

၂၀၁၆ မတ်လ (၂၉)

မြန်မာ့ လက်ရွေးစင် အသင်းသည် လက်ဘနွန် လက်ရွေးစင် အသင်းနှင့် ဘေရွတ်မြို့တွင် ၂၀၁၈ ကမ္ဘာ့ဖလား ခြေစစ်ပွဲ ကစားခဲ့ရာ (၁-၁)ဂိုး သရေကျခဲ့သည်။

ဧပြီလ ၂၄ ရက်
ကမ္ဘာ့ဘောလုံး အဖွဲ့ချုပ်၊ အာဆီယံ ဘောလုံးအဖွဲ့ချုပ်နှင့် မြန်မာနိုင်ငံ ဘောလုံး အဖွဲ့ချုပ်တို့ ပူးပေါင်း ဖွင့်လှစ်သည့် အာဆီယံဒေသတွင်း ဖီဖာအဆင့် ဒိုင်လူကြီးများ သင်တန်းကို နံနက် ၈း၀၀ နာရီက ရှစ်မိုင်လမ်းဆုံရှိ ဟိုတယ် ရန်ကုန်တွင် ဖွင့်လှစ်ခဲ့သည်။ ဖွင့်ပွဲ အခမ်းအနားသို့ မြန်မာနိုင်ငံ ဘောလုံး အဖွဲ့ချုပ် အထွေထွေ အတွင်းရေးမှူး ဦးသန်းဇော် တက်ရောက် အမှာစကား ပြောကြားကာ သင်တန်းကို ဖွင့်လှစ် ပေးခဲ့သည်။ အဆိုပါ သင်တန်းသို့ အာဆီယံ ဘောလုံးအဖွဲ့ချုပ် အဖွဲ့ဝင်နိုင်ငံ ၁၂ နိုင်ငံမှ သင်တန်းသား ၂၂ ဦး တက်ရောက် ခဲ့
ကြပြီး မလေးရှား နိုင်ငံမှ သင်တန်းဆရာ သုံးဦးက လာရောက် သင်ကြားပေးခြင်း ဖြစ်သည်။

မေလ (၁၀)ရက်
မြန်မာ့ လက်ရွေးစင် အမျိုးသမီး အသင်းသည် ဂျပန်နိုင်ငံသို့ သွားရောက်လေ့ကျင့်၍ ဂျပန်အမျိုးသမီး ကလပ်အသင်းများနှင့် မေလ (၁၁)ရက်နေ့မှ (၂၄) ရက်နေ့အတွင်း ခြေစမ်းပွဲ (၅
)ပွဲ ကစားခဲ့သည်။

မေလ (၂၄) ရက်နေ့
မြန်မာနိုင်ငံ ဘောလုံးအဖွဲ့ချု့ပ်မှ ကြီးမှူးဖွင့်လှစ်သည့် MNL-Canon Photography Course 2016 သင်တန်းဖွင့်ပွဲကို မေ ၂၄ ရက်၊ ဘောလုံး အဖွဲ့ ချုပ်၊ အစည်းအဝေးခန်းမ၌ ဖွင့်လှစ်ခဲ့သည်။ သင်တန်း သို့ မြန်မာနိုင်ငံ ဘောလုံးအဖွဲ့ချုပ် ဥက္ကဋ္ဌ ဦးဇော်ဇော်မှ တက်ရောက် ဖွင့်လှစ်ပေးခဲ့ပြီး သင်တန်းသား ၃၀ ဦး တက်ရောက်ခဲ့သည်။ MNL-Canon Photography Course 2016 သင်တန်းအတွက် Canon မှ ပံ့ပိုးကူညီပေးထားပြီး Canon ကုမ္ပဏီ သည် မြန်မာနိုင်ငံဘောလုံး အဖွဲ့ချုပ်၏ ပူးတွဲစပွန်ဆာကုမ္ပဏီတစ်ခု လည်းဖြစ်သည်။

မေလ (၂၈) ရက်နေ့

မြန်မာ့ လက်ရွေးစင် အမျိုးသား အသင်းသည် မလေးရှား လက်ရွေးစင် အသင်းနှင့်ခြေစမ်းပွဲ ယှဉ်ပြိုင် ကစားခဲ့ရာ ဂိုးမရှိ သရေရလဒ် ထွက်ပေါ်ခဲ့သည်။

ဇွန်လ (၃) ရက်နေ့
ဧရာဝတီ ဘဏ်က Title Sponsor အဖြစ်ပံ့ပိုးကူညီသည့် AYA Bank Cup 2016 လေးနိုင်ငံ ဖိတ်ခေါ်ဖလားပြိုင်ပွဲကို ဇွန် (၃)ရက်နေ့မှ (၆)ရက်နေ့အထိ ကျင်းပခဲ့ရာ ဗီယက်နမ် လက်ရွေးစင် အသင်းက ဗိုလ်စွဲခဲ့သည်။ ပြိုင်ပွဲတွင် မြန်မာ၊ ဗီယက်နမ်၊ ဟောင်ကောင်နှင့် စင်ကာပူ အသင်းတို့ ဝင်ရောက်ယှဉ်ပြိုင်ခဲ့ကြခြင်း ဖြစ်သည်။

ဇွန်လ (၇) ရက်နေ့
မြန်မာ့ လက်ရွေးစင် အမျိုးသမီး အသင်းသည် ဇွန် (၃) ရက်နေ့နှင့် (၇)ရက်နေ့တွင် တောင်ကိုရီးယား အမျိုးသမီး လက်ရွေးစင် အသင်းနှင့် ခြေစမ်းပွဲ (၂)ပွဲအား YTC ကွင်းတွင် ကစားခဲ့သည်။

ဇွန်လ (၁၆) ရက်နေ့
မြန်မာ အမျိုးသမီး ဖူဆယ် အသင်းသည် ထိုင်းနိုင်ငံ ဘန်ကောက်မြို့သို့ သွားရောက်၍ အာဆီယံ ပွဲကြို လေ့ကျင့်မှုများ ပြုလုပ်ခဲ့သည်။

ဇွန်လ (၁၈) ရက်နေ့
ရွးကောက် တင်မြှောက်ထားသည့် မြန်မာနိုင်ငံ ဘောလုံး အဖွဲ့ချုပ် (MFF) အလုပ်အမှုဆောင် ကော်မတီ၏ ပထမအကြိမ် အစည်းအဝေးကို ယင်းနေ့ မွန်းလွဲ (၁း၀၀)နာရီက ပြည်လမ်းရှိ Novotel Yangon Max ဟိုတယ်တွင် ကျင်းပခဲ့ရာ MFF ဥက္ကဋ္ဌ ဦးဇော်ဇော်၊ ဒုတိယ ဥက္ကဋ္ဌများ ဖြစ်သည့် ဒေါက်တာ စိုင်းဆမ်ထွန်းနှင့် ဦးပြည့်ဖြိုးတေဇ၊ ကော်မတီ အသီးသီးမှ အဖဲ
ွ့ဝင်များ၊ အဖွဲ့ချုပ် ဌာနခွဲများမှ တာဝန်ခံများ၊ ကျန်းမာရေးနှင့် အားကစား၊ တိုင်းဒေသကြီးနှင့် ပြည်နယ်များမှ ကော်မတီဝင်များ တက်ရောက်ခဲ့ကြသည်။ အစည်းအဝေးတွင် အဖွဲ့ချုပ် ဥက္ကဋ္ဌ ဦးဇော်ဇော်မှ မြန်မာနိုင်ငံ ဘောလုံး အဖွဲ့ချုပ် ရှေ့ဆက် ဆောင်ရွက်မည့် အစီအစဉ်များနှင့် ရည်ရွယ်ချက်များအား ရှင်းလင်းပြောကြားခဲ့ပြီး MFF အမှုဆောင် အရာရှိချုပ် ဦးသန်

းဇော်မှ ဌာနများ၏ စီမံချက်များအား ကော်မတီထံ တင်ပြအစီရင်ခံခဲ့သည်။

၂၀၁၆ ၊ ဇူလိုင် (၁) ရက်
အာဆီယံ ချန်ပီယံရှစ် ပြိုင်ပွဲဝင်မည့် မြန်မာ ယူ-၁၆ အသင်း အပြီးသတ် လူစာရင်း ထုတ်ပြန်။

၂၀၁၆ ၊ ဇူလိုင် (၃) ရက်
တိုင်းဒေသကြီးနှင့် ပြည်နယ် အသက်(၁၄)နှစ်အောက် လူငယ်ပြိုင်ပွဲ (MFF U-14 Boys 100 PLUS Super Cup 2016) ပွဲကြိုညှိနှိုင်းအစည်းအဝေး ကျင်းပ အုပ်စု(၄)ခုဖြင့် ပွဲစဉ်ဇယား မဲနှိုက်ရေးဆွဲ ထုတ်ပြန်ခဲ့။

၂၀၁၆ ၊ ဇူလိုင် (၄) ရက်
တိုင်းဒေသကြီးနှင့် ပြည်နယ် အသက်(၁၄)နှစ်အောက် လူငယ်ပြိုင်ပွဲ (MFF U-14 Boys 100 PLUS Super Cup 2016) ဖွင့်ပွဲလှစ်ခဲ့။

၂၀၁၆ ၊ ဇူလိုင် (၄) ရက်
အာဆီယံ တက္ကသိုလ်ပေါင်းစုံ အားကစားပြိုင်ပွဲ ဝင်ရောက် ယှဉ်ပြိုင်မည့် မြန်မာတက္ကသိုလ် အားကစား အဖွဲ့ဝင်များ အတွက် အားကစားဝတ်စုံနှင့် ထောက်ပံ့ကြေးများ MFF ဥက္ကဌဦးဇော်ဇော် ပံ့ပိုးလှူဒါန်း။

၂၀၁၆ ၊ ဇူလိုင် (၄) ရက်
MFF ဥက္ကဋ္ဌ ဦးဇော်ဇော်နှင့် MFF တာဝန်ရှိသူများသည် ယင်းနေ့ မွန်းလွဲပိုင်းက စီးရီးအေ ကလပ် အင်တာမီလန် အသင်းမှ ကိုယ်စားလှယ်များနှင့် ဘောလုံး အကယ်ဒမီ အပါအဝင် ဘောလုံးလောက တိုးတက်ရေးအတွက် နှစ်ဖက်ပူးပေါင်းဆောင်ရွက်ရန် တွေ့ဆုံ ဆွေးနွေးခဲ့ကြသည်။

၂၀၁၆ ၊ ဇူလိုင် (၄) ရက်
အာဆီယံ ယူ-၁၆ ဘောလုံးပြိုင်ပွဲ ဝင်ရောက် ယှဉ်ပြိုင်မည့် မြန်မာ ယူ-၁၆ အသင်း ကမ္ဘောဒီးယား နိုင်ငံသို့ ရောက်ရှိ။

၂၀၁၆ ၊ ဇူလိုင် (၅) ရက်
မြန်မာနိုင်ငံဘောလုံးအဖွဲ့ချုပ်နှင့် Myanmar Brewery Limited တို့ နှစ်ဖက်သဘောတူ Sponsor စာချုပ်လက်မှတ်ရေးထိုးပွဲအခမ်းအနားကို Novotel Yangon Max (ပုသိမ်ခန်းမ)တွင် ကျင်းပပြုလုပ်ခဲ့သည်။

၂၀၁၆ ၊ ဇူလိုင် (၆) ရက်
မြန်မာ ယူ၁၉ အသင်း အသင်းမန်နေဂျာအဖြစ် ဦးစိုင်းခင်မောင်အေးအား တာဝန် ပေးအပ်ခဲ့။

၂၀၁၆ ၊ ဇူလိုင် (၆) ရက်
မြန်မာယူ-၁၆ အသင်းနှင့် ကမ္ဘောဒီးယားယူ-၁၆ အသင်းတို့ ခြေစမ်းပွဲကစားရာ မြန်မာယူ-၁၆ အသင်းက ၃ဂိုး ၂ဂိုးဖြင့် အနိုင်ရရှိခဲ့။

၂၀၁၆ ၊ ဇူလိုင် (၈) ရက်
မြန်မာနိုင်ငံ ဘောလုံး အဖွဲ့ချုပ် ဥက္ကဋ္ဌ ဦဇော်ဇော်သည် ယနေ့ နံနက်ပိုင်းက တရုတ် ဘောလုံးအဖွဲ့ချုပ် ဒုတိယ ဥက္ကဋ္ဌ ကျန်ကျိယန်နှင့် တွေ့ဆုံ၍ လက်ရွေးစင် အသင်းများ ပူးတွဲလေ့ကျင့်ရေး၊ လူငယ်ဖွံဖြိုးရေး စီမံကိန်းများ ပူးပေါင်း ဆောင်ရွက်ရေး တို့နှင့် စပ်လျဉ်း၍ ညိနှိုင်းဆွေးနွေးခဲ့ကြသည်။

၂၀၁၆ ၊ ဇူလိုင် (၉) ရက်
မြန်မာအမျိုးသမီးလက်ရွေးစင်အသင်းက ထိုင်းအမျိုးသမီး လက်ရွေးစင်အသင်းကို ခြေစမ်းပွဲတွင် တစ်ဂိုး ဂိုးမရှိဖြင့် အနိုင်ရရှိ။

၂၀၁၆ ၊ ဇူလိုင် (၁၀) ရက်
AFF U16 Championship 2016 Group G အုပ်စုအဖွင့်ပွဲစဉ်တွင် မြန်မာယူ-၁၆ အသင်းနှင့် သြစတြေးလျ ယူ-၁၆ အသင်းတို့ တစ်ဖက် တစ်ဂိုးစီ သရေကျခဲ့။

ယင်းနေ့တွင် မြန်မာနိုင်ငံက အိမ်ရှင်အဖြစ် လက်ခံကျင်းပသည့် AFF Myanmar Futsal Club Championship 2016 ပြိုင်ပွဲ စတင်ကျင်းပ။

၂၀၁၆ ၊ ဇူလိုင် (၁၂) ရက်
AFF U16 Championship 2016 ဒုတိယပွဲစဉ်တွင် မြန်မာ ယူ-၁၆ အသင်းက စင်ကာပူ ယူ-၁၆ အသင်းကို ၄ဂိုး ၁ဂိုးဖြင့် အနိုင်ရရှိခဲ့သည်။

၂၀၁၆ ၊ ဇူလိုင် (၁၄) ရက်
AFF U16 Championship 2016 တတိယပွဲစဉ်အဖြစ် မြန်မာယူ-၁၆ အသင်းက ဗီယက်နမ်ယူ-၁၆ အသင်းကို ၅ဂိုး ၁ဂိုးဖြင့် ရှုံးနိမ့်။

၂၀၁၆ ၊ ဇူလိုင် (၁၆) ရက်
AFF Myanmar Futsal Club Championship 2016 ပြိုင်ပွဲ တတိယနေရာလုပွဲနှင့် ဗိုလ်လုပွဲကျင်းပ မြန်မာနိုင်ငံကိုယ်စားပြု MIC FC အသင်း တတိယနေရာရရှိ။

AFF U16 Championship 2016 စတုတ္ထပွဲစဉ်အဖြစ် မြန်မာ ယူ-၁၆ အသင်းက မလေးရှား ယူ-၁၆ အသင်းကို တစ်ဂိုး ဂိုးမရှိဖြင့် ရှုံးနိမ့်ပြီး အုပ်စုအဆင့်ဖြင့်သာ ကျေနပ်ခဲ့ရ။

၂၀၁၆ ၊ ဇူလိုင် (၁၇) ရက်
မြန်မာနေရှင်နယ်လိဂ် ပွဲစဉ် ၁၈ တွင် ရတနာပုံအသင်းက ဇွဲကပင်အသင်းကို တစ်ဂိုး ဂိုးမရှိဖြင့် အနိုင်ယူပြီး ချန်ပီယံဆုအတွက် သေချာစေခဲ့။

၂၀၁၆ ၊ ဇူလိုင် (၁၈) ရက်
တိုင်းဒေသကြီးနှင့် ပြည်နယ် အသက်(၁၄)နှစ် အောက်ပြိုင်ပွဲ(MFF U-14 Boys 100 PLUS Super Cup 2016) ရန်ကုန်တိုင်း လူငယ်ဗိုလ်စွဲ။

AFF U16 Championship 2016 အုပ်စုနောက်ဆုံးပွဲစဉ်အဖြစ် မြန်မာ ယူ-၁၆ အသင်းက ဖိလစ်ပိုင် ယူ-၁၆ အသင်းကို သုံးဂိုး ဂိုးမရှိဖြင့် အနိုင်ရရှိ။

၂၀၁၆ ၊ ဇူလိုင် (၂၂) ရက်
မြန်မာနိုင်ငံဘောလုံးအဖွဲ့ချုပ် မိသားစု၏ ဝါဆိုသင်္ကန်း ဆက်ကပ်လှူဒါန်းခြင်းကို ဇူလိုင်လ ၂၂ရက်နေ့ နံနက်ပိုင်းက မြန်မာနိုင်ငံဘောလုံး အဖွဲ့ချုပ်ရုံးတွင် ကျင်းပပြုလုပ်ခဲ့သည်။

၂၀၁၆ ၊ ဇူလိုင် (၂၅) ရက်
အာရှဘောလုံး အဖွဲ့ချုပ် ကိုယ်စားလှယ် အဖွဲ့နှင့် MFF ဥက္ကဋ္ဌ တွေ့ဆုံဆွေးနွေး ။ MNL အသင်းများ အာရှကလပ် ပြိုင်ပွဲဝင်ခွင့် အရေအတွက် ပိုမိုရရှိရေး AFC အား တိုက်တွန်း ဆွေးနွေးခဲ့။

၂၀၁၆ ၊ ဇူလိုင် (၂၆) ရက်
မြန်မာ ယူ-၁၄ အသင်း ဝင်ရောက်ယှဉ်ပြိုင်သည့် AFC U-14 Regional Festival of Football 2016 ဖွင့်ပွဲအခမ်းအနား ဘရူနိုင်းနိုင်ငံတွင် ကျင်းပ
AFF Myanmar Women’s Championship 2016 ပြိုင်ပွဲ မန္တလာသီရိ အားကစားကွင်းတွင် စတင်ကျင်းပ

၂၀၁၆ ၊ ဇူလိုင် (၂၇) ရက်
AFF Myanmar Women’s Championship 2016 ပြိုင်ပွဲ အုပ်စု (ခ) ပွဲစဉ် မြန်မာအမျိုးသမီးလက်ရွေးစင်အသင်းက တီမောအမျိုးသမီး လက်ရွေးစင် အသင်းကို ၁၇ ဂိုး ဂိုးမရှိဖြင့် အနိုင်ရရှိ

၂၀၁၆ ၊ ဇူလိုင် (၂၉) ရက်
မြန်မာနေရှင်နယ်လိဂ် ၁ နှင့် ၂ ပြိုင်ပွဲများတွင် ဝင်ရောက် ယှဉ်ပြိုင်နေသည့် ကလပ်အသင်း အချို့ကို ကလပ်အသင်း လိုင်စင် ကိစ္စရပ်များနှင့် ပတ်သက်၍ လာရောက် စစ်ဆေးမှုများ ပြုလုပ်နေသည့် အာရှဘောလုံး အဖွဲ့ချုပ်မှ ကိုယ်စားလှယ် အဖွဲ့သည် လိဂ်-၁ နှင့် လိဂ်-၂ မှ ကလပ်အသင်းများမှ တာဝန်ရှိသူများနှင့် AFC Club Licensing Seminar ပြုလုပ်ခဲ့။

AFF Myanmar Women’s Championship 2016 ပြိုင်ပွဲ အုပ်စု (ခ) ပွဲစဉ် မြန်မာအမျိုးသမီးလက်ရွေးစင်အသင်းက မလေးရှားအမျိုးသမီး လက်ရွေးစင်အသင်းကို နှစ်ဂိုး တစ်ဂိုးဖြင့် အနိုင်ရရှိပြီး ဆီမီးဖိုင်နယ် သို့တက်ရောက်။

၂၀၁၆ ၊ ဇူလိုင် (၃၀) ရက်
ဂျေလိဂ် ကလပ် အိုမီယာအာဒီဂျာ အသင်း၊ JCB နှင့် မြန်မာနိုင်ငံ ဘောလုံး အဖွဲ့ချုပ်တို့ ပူးပေါင်း ပြုလုပ်သည့် Grassroots Football Clinic ကို ယနေ့ နံနက် ၈း၀၀ နာရီက မြန်မာနိုင်ငံ ဘောလုံးအဖွဲ့ချုပ် ဘေးရှိ မြက်ခင်းတု ကွင်းတွင် ပြုလုပ်ခဲ့။

၂၀၁၆ ၊ ဇူလိုင် (၃၁) ရက်

AFF Myanmar Women’s Championship 2016 ပြိုင်ပွဲ အုပ်စု (ခ) ပွဲစဉ် မြန်မာအမျိုးသမီးလက်ရွေးစင်အသင်းနှင့် သြစတြေးလျ အမျိုးသမီးလက်ရွေးစင်အသင်းတို့ တစ်ဖက် တစ်ဂိုးစီ သရေကျပြီး အုပ်စုဒုတိယသာ ရရှိ။

၂၀၁၆ ၊ သြဂုတ်လ (၂) ရက်
အာဆီယံ ဘောလုံး အဖွဲ့ချုပ် ကောင်စီအစည်းအဝေး ကျင်းပ
MFF အတွင်းရေးမှူးဟောင်း ဦးတင်အောင်ကို ဂုဏ်ပြုဆု ချီးမြှင့်ခဲ့။
AFF Suzuki Cup 2016 မဲခွဲပွဲ ရန်ကုန်မြို့ နိုဗိုတယ်ရန်ကုန်မက်စ်ဟိုတယ်တွင် ကျင်းပခဲ့။

AFF Myanmar Women’s Championship 2016 ပြိုင်ပွဲ ဆီမီးဖိုင်နယ်ပွဲစဉ်တွင် မြန်မာအမျိုးသမီးလက်ရွေးစင်အသင်းက ဗီယက်နမ်အမျိုးသမီးလက်ရွေးစင်အသင်းကို ပယ်နယ်တီအဆုံးအဖြတ်ဖြင့် ရှုံးနိမ့် (၃-၃)(၈-၇)။

၂၀၁၆ ၊ ဩဂုတ် (၄) ရက်
AFF Myanmar Women’s Championship 2016 ပြိုင်ပွဲ တတိယနေရာလုပွဲအဖြစ် မြန်မာအမျိုးသမီးလက်ရွေးစင်အသင်းက ဩစတြေးလျအမျိုးသမီးလက်ရွေးစင်အသင်းကို တစ်ဂိုး ဂိုးမရှိဖြင့် အနိုင်ရရှိ

၂၀၁၆ ၊ ဩဂုတ် (၉) ရက်
ရှမ်းပြည်နယ်တွင် AFC (C) လိုင်စင် နည်းပြသင်တန်း ဖွင့်လှစ်။

၂၀၁၆ ၊ ဩဂုတ် (၁၀) ရက်
နယ်သာလန် နိုင်ငံသား မြန်မာအမျိူးသမီးအသင်းနည်းပြ ရော်ဂျာအား MFF စာချူပ်သက်တမ်းတိုး။

၂၀၁၆ ၊ ဩဂုတ် (၁၅) ရက်
ယူ-၁၄ နည်းပြ သြစတြေးလျ လူမျိုး အဲရစ်ဝီလျံ ကို ၁နှစ်၂လ သက်တမ်းရှိ စာချုပ် သက်တမ်းတိုးချုပ်ဆို။

၂၀၁၆ ၊ ဩဂုတ် (၁၇) ရက်
ဗိုလ်ချုပ်အောင်ဆန်းဒိုင်း ရှုံးထွက်ပြိုင်ပွဲတွင် မကွေးအသင်းက ရန်ကုန်ယူနိုက်တက်အသင်းကို အနိုင်ယူပြီး ချန်ပီယံအသစ်ထွက်ပေါ်ခဲ့။

KBZ BANK U-19 Cup 2016 အတွက် KBZ Bank နှင့် Title Sponsorship စာချုပ်လက်မှတ်ရေးထိုး။

၂၀၁၆ ၊ ဩဂုတ် (၂၀) ရက်
၂၀၁၆ ခုနှစ် မြန်မာနေရှင်နယ်လိဂ်ချန်ပီယံ ရတနာပုံ အသင်းကို ချန်ပီယံဆု ဖလားပေးအပ်

၂၀၁၆ ၊ ဩဂုတ် (၂၂) ရက်
KBZ Bank U-19 Cup 2016 ပြိုင်ပွဲ စတင်ကျင်းပ
မြန်မာ ယူ-၁၉ အသင်းက ဂျပန်ကလပ် ဆာပိုရိုအသင်းကို လေးဂိုး တစ်ဂိုးဖြင့် ရှုံးနိမ့်။

၂၀၁၆ ၊ ဩဂုတ် (၂၃) ရက်
တရုတ်ဖိတ်ခေါ် ဖူဆယ်ပြိုင်ပွဲ ဝင်ရောက်ရန် မြန်မာ ဖူဆယ်အသင်းထွက်ခွာ

၂၀၁၆ ၊ ဩဂုတ် (၂၄) ရက်
KBZ Bank U-19 Cup 2016 ပြိုင်ပွဲ ဗီယက်နမ်ယူ ၁၉ အသင်းနှင့် မြန်မာ ယူ ၁၉ အသင်းတို့ တစ်ဖက် တစ်ဂိုးစီဖြင့် သရေကျ

၂၀၁၆ ၊ ဩဂုတ် (၂၅) ရက်
မြန်မာနိုင်ငံဆိုင်ရာ အီတလီ သံအမတ်ကြီး H.E. Pier Giorgio Aliberti သည် ယနေ့မွန်းလွဲပိုင်းက မြန်မာနိုင်ငံ ဘောလုံး အဖွဲ့ချုပ် ဥက္ကဋ္ဌ ဦးဇော်ဇော်ထံ လာရောက်တွေ့ဆုံ၍ နှစ်နိုင်ငံ ဘောလုံးပူးပေါင်းဆောင်ရွက်ရေး ကိစ္စများ တိုင်ပင်ဆွေးနွေးခဲ့ကြသည်။

၂၀၁၆ ၊ ဩဂုတ် (၂၆) ရက်
KBZ Bank U-19 Cup 2016 ပြိုင်ပွဲ မြန်မာယူ-၁၉ အသင်းက ထိုင်း ယူ-၁၉ အသင်းကို တစ်ဂိုး ဂိုးမရှိဖြင့် အနိုင်ရရှိခဲ့သည်။
မြန်မာနိုင်ငံ ဘောလုံးအဖွဲ့ချုပ်၏ ၂၀၁၅ ခုနှစ်အတွက် စာရင်းစစ်အပြီး ရ/သုံး ငွေစာရင်း ထုတ်ပြန်။

၂၀၁၆ ၊ ဩဂုတ် (၂၇) ရက်
AFC U16 women’s championship qualifier 2016 ပြိုင်ပွဲ ထိုင်းနိုင်ငံတွင် စတင်ကျင်းပ။ မြန်မာအသင်းက လာအိုအသင်းကို ငါးဂိုး နှစ်ဂိုးဖြင့် ရှုံးနိမ့်

၂၀၁၆ ၊ ဩဂုတ် (၂၈) ရက်
မြန်မာနေရှင်နယ်လိဂ်-၂ ချန်ပီယံ မနောမြေအသင်းကို ချန်ပီယံဆုဖလား ပေးအပ်။

KBZ Bank U-19 Cup 2016 ပြိုင်ပွဲ တတိယနေရာလုပွဲတွင် မြန်မာ ယူ-၁၉ အသင်း ထိုင်းယူ-၁၉ အသင်းကို ပယ်နယ်တီအဆုံးအဖြတ်ဖြင့် ရှုံးနိမ့်။

၂၀၁၆ ၊ ဩဂုတ် (၃၁) ရက်

ဘောလုံးသုံးသပ်ချက် ဝက်ဘ်ဆိုက် (Instats) နှင့် မြန်မာနိုင်ငံ ဘောလုံးအဖွဲ့ချုပ်တို့ စာချုပ်ချုပ်ဆို

၂၀၁၆ ၊ စက်တင်ဘာ (၂) ရက်
ရှေ့ဆက် ဆောင်ရွက်မည့် လုပ်ငန်းစဉ်များအတွက် MFF ဝန်ထမ်းများနှင့် ဥက္ကဋ္ဌ တွေ့ဆုံဆွေးနွေး။

၂၀၁၆ ၊ စက်တင်ဘာ (၄) ရက်
MNL Youth (U-20) League Competition 2016 ပြိုင်ပွဲ ချန်ပီယံ ရှမ်းယူနိုက်တက် ယူ-၂၀ အသင်းကို ချိန်ပီယံဆုဖလား ပေးအပ်

၂၀၁၆ ၊ စက်တင်ဘာ (၇) ရက်
မြန်မာ့လက်ရွေးစင် အသင်းနှင့် မြန်မာ ယူ-၁၉ အသင်းတို့ ခြေစမ်းပွဲကစားရာ မြန်မာ့လက်ရွေးစင်အသင်းက တစ်ဂိုး ဂိုးမရှိဖြင့် အနိုင်ရရှိခဲ့သည်။

၂၀၁၆ ၊ စက်တင်ဘာ (၈) ရက်
မြန်မာနိုင်ငံဘောလုံးအဖွဲ့ချုပ်၏ Official Viber Public Chat ကို စတင်ဖွင့်လှစ်ခဲ့။
http://chats.viber.com/myanmarfootballfederation

မန္တလေးတိုင်းဒေသကြီး မြင်းခြံခရိုင် နွားထိုးကြီးမြို့နယ် နှင့် ကျောက်ဆည်ခရိုင် မြစ်သားမြို့နယ်များတွင် FIFA 11 For Health Program ပြုလုပ်

၂၀၁၆ ၊ စက်တင်ဘာ (၉) ရက်
Grassroots Football Festival ကို ရန်ကုန်မြို့ ပဒေသာကွင်းတွင် ပြုလုပ်
FIFA U-20 Women’s World Cup 2016 တွင် တာဝန်ယူကိုင်တွယ်ရန် မြန်မာဒိုင်လူကြီး မသိန်းသိန်းအေးကို ရွေးချယ်

၂၀၁၆ ၊ စက်တင်ဘာ (၁၁) ရက်
မြန်မာ့လက်ရွေးစင်အသင်းသည် ဆူဇူကီးဖလားအောင်နိုင်ရေးအတွက် ဥရောပနိုင်ငံများဖြစ်သည့် ဂျာမနီ ဘယ်လ်ဂျီယံ နယ်သာလန် ဆိုက်ပရပ်စ် နိုင်ငံများတွင် ခြေစမ်းပွဲများ ကစားရန်နှင့် လေ့ကျင့်မှုများ ပြုလုပ်ရန် ထွက်ခွါ
စက်တင်ဘာလအတွက် မြန်မာနေရှင်နယ်လိဂ်ကော်မတီ အစည်းအဝေး ကျင်းပ

၂၀၁၆ ၊ စက်တင်ဘာ (၁၂) ရက်
AFF U-19 Championship 2016 ပြိုင်ပွဲတွင် မြန်မာ ယူ-၁၉ အသင်းက အင်ဒိုနီးရှား ယူ-၁၉ အသင်းကို သုံးဂိုး နှစ်ဂိုးဖြင့် အနိုင်ရရှိ

၂၀၁၆ ၊ စက်တင်ဘာ (၁၄) ရက်
မြန်မာ့လက်ရွေးစင်အသင်း ဥရောပခြေစမ်းပွဲ ပထမပွဲအဖြစ် နယ်သာလန်ကလပ် Evv Echt အသင်းနှင့် တစ်ဖက်တစ်ဂိုးစီ သရေပွဲဖြစ်
AFF U-19 Championship 2016 ပြိုင်ပွဲ မြန်မာ ယူ-၁၉ အသင်းက ဩစတြေးလျ ယူ-၁၉ အသင်းကို သုံးဂိုး ဂိုးမရှိဖြင့် ရှုံးနိမ့်။

ကမ္ဘာ့ဘောလုံးအဖွဲ့ချုပ်နှင့်မြန်မာနိုင်ငံဘော လုံးအဖွဲ့ချုပ်တို့ပူးပေါင်းဆောင်ရွက် လျှက်ရှိသော FiFa 11 For Health Project Inspection ကို မန္တလေးတိုင်းဒေသကြီး ချမ်းအေးသာစံ မြို့နယ်ရှိ အခြေခံပညာကျောင်းများတွင် ပြုလုပ်ခဲ့

၂၀၁၆ ၊ စက်တင်ဘာ (၁၆) ရက်
မြန်မာနိုင်ငံဘောလုံးအဖွဲ့ချုပ်မှ Coorporate Social Responsibility Activity အနေဖြင့် မန္တလေးတိုင်းဒေသကြီးအတွင်းရှိ ဘောလုံးသင်တန်းကျောင်းများနှင့် FIFA 11 for Health သင်ကြားပို့ချလျက်ရှိသော အခြေခံပညာကျောင်း (၂၄၆ ) ကျောင်းသို့ ဘောလုံးများပေးအပ်လှူဒါန်းပွဲအခမ်းအနားကို မန္တလေးမြို့ မြန်မာဘောလုံးအကယ်ဒမီတွင် ကျင်းပ။

AFF U-19 Championship 2016 ပြိုင်ပွဲ မြန်မာ ယူ-၁၉ အသင်းနှင့် လာအို ယူ-၁၉ အသင်းတို့ တစ်ဖက် လေးဂိုးစီဖြင့် သရေပွဲဖြစ်

၂၀၁၆ ၊ စက်တင်ဘာ (၁၈) ရက်
AFF U-19 Championship 2016 ပြိုင်ပွဲ မြန်မာယူ-၁၉ အသင်းက ကမ္ဘောဒီယား ယူ-၁၉ အသင်းကို သုံးဂိုး ဂိုးမရှိဖြင့် အနိုင်ရရှိ

၂၀၁၆ ၊ စက်တင်ဘာ (၂၀) ရက်
AFF U-19 Championship 2016 ပြိုင်ပွဲ အုပ်စုနောက်ဆုံးပွဲစဉ်အဖြစ် မြန်မာ ယူ-၁၉ အသင်းနှင့် ထိုင်း ယူ-၁၉ အသင်းတို့ တစ်ဖက်တစ်ဂိုးစီဖြင့် သရေပွဲဖြစ်
မြန်မာ့လက်ရွေးစင်အသင်း ဥရောပခြေစမ်းပွဲအဖြစ် ဘယ်လ်ဂျီယံကလပ် K. Berchem Sport အသင်းနှင့် ခြေစမ်းကစားခဲ့ရာ တစ်ဖက် တစ်ဂိုးစီဖြင့် သရေပွဲဖြစ်

၂၀၁၆ ၊ စက်တင်ဘာ (၂၃) ရက်
မြန်မာ့လက်ရွေးစင်အသင်း ဥရောပခြေစမ်းပွဲအဖြစ် နယ်သာလန်ကလပ် Roda လူငယ်အသင်းနှင့် ခြေစမ်းပွဲကစားခဲ့ရာ Roda လူငယ်အသင်းက မြန်မာ့လက်ရွေးစင်အသင်းကို နှစ်ဂိုး ဂိုးမရှိဖြင့် အနိုင်ရရှိခဲ့သည်။

၂၀၁၆ ၊ စက်တင်ဘာ (၂၅) ရက်
MFF Grassroots Football Festival 2016 ကို မော်လမြိုင်မြို့တွင် ကျင်းပပြုလုပ်

၂၀၁၆ ၊ စက်တင်ဘာ (၂၆) ရက်
မြန်မာ့လက်ရွေးစင်အသင်း ဥရောပခြေစမ်းပွဲအဖြစ် နယ်သာလန်ကလပ် VVV Venlo အသင်းနှင့် ခြေစမ်းပွဲကစားခဲ့ရာ မြန်မာ့လက်ရွေးစင်အသင်းက တစ်ဂိုး ဂိုးမရှိဖြင့် အနိုင်ရရှိခဲ့သည်။

၂၀၁၆ ၊ စက်တင်ဘာ (၂၈) ရက်
ပဏာမ မြန်မာ့လက်ရွေးစင် အသင်း ကစားသမား (၂)ဦး လျှော့ချ
မြန်မာ့လက်ရွေးစင်အသင်း ဥရောပခြေစမ်းပွဲအဖြစ် ဘယ်လ်ဂျီယံကလပ် Patro Eisden အသင်းနှင့် ခြေစမ်းပွဲကစားခဲ့ရာ မြန်မာလက်ရွေးစင်အသင်းက လေးဂိုး ဂိုးမရှိဖြင့် အနိုင်ရရှိခဲ့သည်။

၂၀၁၆ ၊ စက်တင်ဘာ (၃၀) ရက်
MFF Women’s National League ပြိုင်ပွဲကျင်းပရေး ညှိနှိုင်းအစည်းအဝေး ကျင်းပ

၂၀၁၆ ၊ အောက်တိုဘာ (၃) ရက်
AFC MA Coaching Instructor Course ကို မြန်မာနိုင်ငံတွင် ပထမဆုံးအဖြစ် စတင်ဖွင့်လှစ်
မြန်မာ့လက်ရွေးစင်အသင်း ဥရောပခြေစမ်းပွဲအဖြစ် ဆိုက်ပရပ်စ်ကလပ် Paralimni အသင်းနှင့် ခြေစမ်းပွဲကစားခဲ့ရာ မြန်မာလက်ရွေးစင်အသင်းက သုံးဂိုး တစ်ဂိုးဖြင့် အနိုင်ရရှိခဲ့သည်။

၂၀၁၆ ၊ အောက်တိုဘာ (၅) ရက်
မြန်မာ့လက်ရွေးစင်အသင်း ဥရောပခြေစမ်းပွဲအဖြစ် ဆိုက်ပရပ်စ် ယူ-၂၁ အသင်း နှင့် ခြေစမ်းပွဲကစားခဲ့ရာ ဆိုက်ပရပ်စ်ယူ-၂၁ အသင်းက သုံးဂိုး တစ်ဂိုးဖြင့် အနိုင်ရရှိခဲ့သည်။

၂၀၁၆ ၊ အောက်တိုဘာ (၇) ရက်
ဆူဇူကီးဖလားပြိုင်ပွဲအတွက် ပဏာမမြန်မာ့လက်ရွေးစင်အသင်းတွင် ဝင်းမင်းထွဋ်နှင့် ကောင်းဆက်နိုင်ကို ထပ်မံရွေးချယ်

၂၀၁၆ ၊ အောက်တိုဘာ (၈) ရက်
မြန်မာနိုင်ငံ ဘောလုံးအဖွဲ့ချုပ် ဝန်ထမ်းများ၏ သားသမီးများအား ဧရာဝတီ ဖောင်ဒေးရှင်းမှ ပညာသင်စရိတ် ပေးအပ်

၂၀၁၆ ၊ အောက်တိုဘာ (၁၀) ရက်
မြန်မာ့လက်ရွေးစင်အသင်း ဥရောပခြေစမ်းပွဲအဖြစ် ဆိုက်ပရပ်စ်ကလပ် Nea Salamis အသင်းနှင့် ခြေစမ်းပွဲကစားခဲ့ရာ မြန်မာလက်ရွေးစင်အသင်းက ငါးဂိုး ဂိုးမရှိဖြင့် အနိုင်ရရှိခဲ့သည်။

၂၀၁၆ ၊ အောက်တိုဘာ (၁၃) ရက်
ဥရောပ ခြေစမ်းလေ့ကျင့်ရေး ခရီးစဉ် အဖြစ် ဂျာမနီ၊နယ်သာလန်၊ ဆိုက်ပရပ် တို့တွင် ခြေစမ်းပွဲ (၈)ပွဲသွားရောက် လေ့ကျင့်ယှဉ်ပြိုင်ခဲ့သည့် မြန်မာ့လက်ရွေးစင် အမျိုးသား ဘောလုံးအသင်း ရန်ကုန်မြို့သို့ ပြန်လည်ရောက်ရှိ

၂၀၁၆ ၊ အောက်တိုဘာ (၁၄) ရက်
လူငယ်မျိုးဆက်သစ် ဖူဆယ်ဒိုင်လူကြီးသင်တန်း (၂/၂၀၁၆) ဖွင့်လှစ်

၂၀၁၆ ၊ အောက်တိုဘာ (၁၈) ရက်
မြန်မာနိုင်ငံ ဘောလုံးအဖွဲ့ချုပ်၏ လုပ်ငန်းများတွင် နှစ်ရှည်လများ ပါဝင်ဆောင်ရွက် ပေးခဲ့ကြသော သက်ကြီးဝါကြီး ပုဂ္ဂိုလ်များအား ပါရဝပြု ကန်တော့

၂၀၁၆ ၊ အောက်တိုဘာ (၂၁) ရက်
MFF-MNL Awards Night 2016 ဆုပေးပွဲအခမ်းအနား ကျင်းပ

၂၀၁၆ ၊ အောက်တိုဘာ (၂၆) ရက်
ဆူဇူကီးဖလားပြိုင်ပွဲဝင်မည့် မြန်မာ့လက်ရွေးစင်အသင်း ပဏာမလူစာရင်းတွင် နောက်တန်းကစားသမား သိန်းဇော်ကို ထပ်မံအားဖြည့်

၂၀၁၆ ၊ အောက်တိုဘာ (၂၉) ရက်
မြန်မာယူ-၁၄ အသင်းနည်းပြချုပ် အဲရစ်ဝီလျံနှင့် နှစ်ဘက်သဘောတူ လမ်းခွဲ

၂၀၁၆ ၊ အောက်တိုဘာ (၃၀) ရက်
MNL Youth (U-18) 2016 ပြိုင်ပွဲ၏ ချန်ပီယံ MFF Youth B အသင်းအား ချန်ပီယံဆုဖလားပေးအပ်

၂၀၁၆ ၊ အောက်တိုဘာ (၃၁) ရက်
FIFA 11 For Health – Coach Training Courses သင်တန်းဖွင့်ပွဲအခမ်းအနား ကျင်းပ

၂၀၁၆ ၊ နိုဝင်ဘာ (၃) ရက်
AFF Suzuki Cup 2016 Trophy Tour & Promotion ပွဲကို မြန်မာပလာဇာ Promotion Area မှာ ကျင်းပပြုလုပ်

၂၀၁၆ ၊ နိုဝင်ဘာ (၄) ရက်
နိုင်ငံတကာခြေစမ်းပွဲ အဖြစ် မြန်မာ့လက်ရွေးစင်အသင်းနှင့် အင်ဒိုနီးရှားလက်ရွေးစင်အသင်းတို့ ယှဉ်ပြိုင်ကစားရာ ဂိုးမရှိသရေပွဲ ဖြစ်ခဲ့

၂၀၁၆ ၊ နိုဝင်ဘာ (၅) ရက်
မြန်မာနိုင်ငံဘောလုံးအဖွဲ့ချုပ်နှင့် ဒိုင်ကော်မတီ ဒိုင်လုပ်ငန်းဌာနတို့ ပူးပေါင်းဖွင့်လှစ်သည့် Annual Referee Refresher Course 2016 (State & Division) သင်တန်းဖွင့်ပွဲအခမ်းအနား ကျင်းပ

၂၀၁၆ ၊ နိုဝင်ဘာ (၁၀) ရက်
မြန်မာနိုင်ငံက ပထမဆုံးအကြိမ် အိမ်ရှင်အဖြစ် လက်ခံကျင်းပမည့် အာဆီယံ ချန်ပီယံရှစ်(ဆူဇူကီးဖလား) ပြိုင်ပွဲအား အောင်မြင်စွာ လက်ခံကျင်းပနိုင်ရေး အတွက် ကြိုတင်ပြင်ဆင်ထားမှုများနှင့် စပ်လျဉ်း၍ သတင်းစာ ရှင်းလင်းပွဲ အခမ်းအနား ကျင်းပခဲ့

၂၀၁၆ ၊ နိုဝင်ဘာ (၁၄) ရက်
နိုင်ငံတကာခြေစမ်းပွဲ အဖြစ် မြန်မာ့လက်ရွေးစင်အသင်းနှင့် အိုမန်လက်ရွေးစင်အသင်းတို့ ယှဉ်ပြိုင်က
အိုမန်အသင်းက သုံးဂိုး ဂိုးမရှိဖြင့် အနိုင်ရရှိခဲ့သည်။

၂၀၁၆ ၊ နိုဝင်ဘာ (၁၈) ရက်
အာရှဘောလုံး အဖွဲ့ချုပ် (AFC) ဥက္ကဌဖြစ်သူ ရှိတ်ခ်ဆယ်လ်မန် ဘင်အီဗရာဟင် အယ်ခါလီဖာသည် နိုဝင်ဘာလ ၁၈ ရက်နေ့က မြန်မာနိုင်ငံသို့ ရောက်ရှိ

၂၀၁၆ ၊ နိုဝင်ဘာ (၁၉) ရက်
မြန်မာနိုင်ငံဘောလုံးအဖွဲ့ချုပ် လက်ရွေးစင်အသင်း အဆောင် အမှတ် (၂) ဖွင့်ပွဲအဖြစ် နိုဝင်ဘာလ ၁၉ ရက်နေ့ မနက် (၅) နာရီက အဆိုပါ အဆောင်သစ်တွင် မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်နှင့် တာဝန်ရှိသူများက ဆရာတော် သံဃာတော် (၅) ပါးကို အရုဏ်ဆွမ်းဆပ်ကပ်လှူဒါန်းခဲ့သည်။

၂၀၁၆ ၊ နိုဝင်ဘာ (၁၉) ရက်
ဆူဇူကီးဖလားပြိုင်ပွဲဝင် မြန်မာ့လက်ရွေးစင်အသင်း အပြီးသတ်လူရွေးချယ်

၂၀၁၆ ၊ နိုဝင်ဘာ (၂၀) ရက်
မြန်မာ့ဘောလုံး တိုးတက်ရေးအတွက် အာရှဘောလုံး အဖွဲ့ချုပ် ဥက္ကဋ္ဌ MFF ရုံးချုပ်သို့ လာရောက်ဆွေးနွေး။

၂၀၁၆ ခုနှစ် ဆူဇူကီးဖလားပြိုင်ပွဲ အုပ်စု(ခ) ပွဲစဉ်များ စတင်ကျင်းပ
မြန်မာအသင်းက ဗီယက်နမ်အသင်းကို နှစ်ဂိုး တစ်ဂိုးဖြင့် ရှုံးနိမ့်။

၂၀၁၆ ၊ နိုဝင်ဘာ (၂၃) ရက်
ဆူဇူကီးဖလားပြိုင်ပွဲ အုပ်စု(ခ) ဒုတိယပွဲစဉ်တွင် မြန်မာအသင်းက ကမ္ဘောဒီးယားအသင်းကို သုံးဂိုး တစ်ဂိုးဖြင့် အနိုင်ရရှိ

၂၀၁၆ ၊ နိုဝင်ဘာ (၂၄) ရက်
KBZ Bank မှအဓိက ပံ့ပိုးကူညီသည့် KBZ Bank Women’s League 2016 ပြိုင်ပွဲ စပွန်ဆာစာချုပ် ချုပ်ဆိုပွဲ။
ဆူဇူကီးဖလားပြိုင်ပွဲ အုပ်စု(ခ) တတိယပွဲစဉ်တွင် မြန်မာအသင်းက မလေးရှားအသင်းကို တစ်ဂိုး ဂိုးမရှိဖြင့် အနိုင်ရရှိ။

၂၀၁၆ ၊ ဒီဇင်ဘာ (၂) ရက်
FIFA MA Grassroots နည်းပြသင်တန်းနှင့် လူငယ်ဘောလုံးပွဲတော် တောင်ကြီးမြို့တွင် ကျင်းပ။
မြန်မာ့လက်ရွေးစင် အမျိုးသမီးအသင်းနှင့် ယူ-၁၉ အမျိုးသမီး လက်ရွေးစင် အသင်း ခြေစမ်းပွဲတွင် လက်ရွေးစင်အသင်းကြီးက ၄-၀ ဖြင့် အနိုင်ရ။

၂၀၁၆ ၊ ဒီဇင်ဘာ (၄) ရက်
ဆူဇူကီးဖလားပြိုင်ပွဲ အုပ်စု(ခ) ဆီမီးဖိုင်နယ် ပထမအကျော့ပွဲစဉ်တွင် မြန်မာအသင်းက ထိုင်းအသင်းကို နှစ်ဂိုး ဂိုးမရှိဖြင့် ရှုံးနိမ့်

၂၀၁၆ ၊ ဒီဇင်ဘာ (၇) ရက်
KBZ Bank Myanmar Women League 2016 ပွဲစဉ်ဇယား ထုတ်ပြန်

၂၀၁၆ ၊ ဒီဇင်ဘာ (၈) ရက်
မြန်မာ့လက်ရွေးစင် ယူ-၁၈ အသင်း လေ့ကျင့်ခြေစမ်းမှုများ ပြုလုပ်ရန် တရုတ်နိုင်ငံသို့ ထွက်ခွာ။

ဆူဇူကီးဖလားပြိုင်ပွဲ အုပ်စု(ခ) ဆီမီးဖိုင်နယ် ဒုတိယအကျော့ပွဲစဉ်တွင် မြန်မာအသင်းက ထိုင်းအသင်းကို လေးဂိုး ဂိုးမရှိဖြင့် ရှုံးနိမ့်

၂၀၁၆ ၊ ဒီဇင်ဘာ (၉) ရက်
AFC “C” Certificate Coaching Course သင်တန်း ရဲမွန်တပ်မြို့တွင် ဖွင့်လှစ်

၂၀၁၆ ၊ ဒီဇင်ဘာ (၁၀) ရက်
အသင်းခုနစ်သင်း ပါဝင်သည့် KBZ Bank Myanmar Women League 2016 ဘောလုံးပြိုင်ပွဲ ဖွင့်ပွဲ အခမ်း အနားကို ဒီဇင်ဘာ ၁၀ ရက်၊ မွန်းလွဲ ၂း၃၀ အချိန်က ရန်ကုန် မြို့၊ အောင်ဆန်း ကွင်းတွင် ကျင်းပခဲ့သည်။ မြန်မာနိုင်ငံ၏ ပထမဆုံး အမျိုးသမီး ဆီမီးပရိုလိဂ်အဖြစ် မှတ်တမ်းဝင်ခဲ့သည်။

မြန်မာ ယူ-၁၈ အသင်းသည် တရုတ်ခြေစမ်းခရီးစဉ်၏ ပထမဆုံး ခြေစမ်းပွဲစဉ်တွင် ကွမ်ကျိုး ယူ-၁၈ နှင့် တစ်ဖက် သုံးဂိုးစီ သရေကျခဲ့သည်။

၂၀၁၆ ၊ ဒီဇင်ဘာ (၁၃) ရက်
ပဏာမ မြန်မာယူ၁၈အသင်း Guangzhou Evergrande FC လူငယ်အသင်းအား နှစ်ဂိုး တစ်ဂိုးဖြင့် အရေးနိမ့်

၂၀၁၆ ၊ ဒီဇင်ဘာ (၁၄) ရက်
MNL Goalkeeping Coaching Course 2016 သင်တန်းဖွင့်ပွဲအခမ်းအနား ကျင်းပ
ဗီယက်နမ်သတင်းစာဖိတ်ခေါ်ဖလားအတွက် မြန်မာလက်ရွေးစင် ယူ ၂၁ အသင်း အပြီးသတ် လူရွေးချယ်

၂၀၁၆ ၊ ဒီဇင်ဘာ (၁၅) ရက်
နိုင်ငံတကာခြေစမ်းပွဲအဖြစ် မြန်မာယူ၁၉ အမျိုးသမီးအသင်းနှင့် ဟောင်ကောင်အမျိုးသမီးအသင်းတို့ ယှဉ်ပြိုင်ကစားကြရာ မြန်မာအသင်းက ငါးဂိုး ဂိုးမရှိဖြင့် အနိုင်ရရှိပဏာမ မြန်မာယူ၁၈ အသင်း တတိယမြောက် ခြေစမ်းပွဲတွင် ကန်တုံလူငယ်အသင်းအား (၄-၃)ဂိုးဖြင့် ရှုံးနိမ့်ခဲ့

၂၀၁၆ ၊ ဒီဇင်ဘာ (၁၆) ရက်
ဗီယက်နမ်သတင်းစာ ဖိတ်ခေါ်ဖလား ဝင်ရောက်ယှဉ်ပြိုင်ရန် မြန်မာ ယူ ၂၁ အသင်းသည် ဒီဇင်ဘာလ ၁၆ ရက် နေ့လည် ၁၂ နာရီက ဗီယက်နမ်နိုင်ငံ ဟိုချီမင်းမြို့သို့ ထွက်ခွာခဲ့အာရှ ယူ-၁၉ အမျိုးသမီးခြေစစ်ပွဲဝင်မည့် မြန်မာအသင်း အပြီးသတ်လူရွေးချယ်ရာဘာရှ့် ဘန်လာဘီ (ပြင်သစ်)ကို မြန်မာ ယူ၁၄ အသင်းနည်းပြအဖြစ် ခန့်အပ်

၂၀၁၆ ၊ ဒီဇင်ဘာ (၁၇) ရက်
ကန်တုံ ယူ၂၀ လက်ရွေးစင် အသင်းအား (၁-ဝ) ဂိုးဖြင့် ပဏာမ မြန်မာယူ၁၈ အရေးနိမ့်။

အာဆီယံ ဘောလုံး အဖွဲ့ချုပ် ဒုတိယ ဥက္ကဋ္ဌအဖြစ် တာဝန်ယူထားသည့် မြန်မာနိုင်ငံ ဘောလုံး အဖွဲ့ချုပ် ဥက္ကဋ္ဌ ဦးဇော်ဇော်နှင့်အဖွဲ့သည် ယနေ့ ထိုင်းနိုင်ငံ ဘန်ကောက်မြို့တွင် ကျင်းပသည့် အာဆီယံဘောလုံးအဖွဲ့ချုပ် ကောင်စီ အစည်းအဝေးအား တက်ရောက်။

၂၀၁၆ ၊ ဒီဇင်ဘာ (၁၈) ရက်
Vietnam Youth Newspaper Clear Men Cup 2acti016 အုပ်စု (ခ) ပထမပွဲစဉ်အဖြစ် မြန်မာယူ-၂၁ အသင်းနှင့် ဗီယက်နမ်သတင်းစာ ယူ-၂၁ အသင်းတို့ တစ်ဖက် တစ်ဂိုးစီဖြင့် သရေပွဲဖြစ်

၂၀၁၆ ၊ ဒီဇင်ဘာ (၂၀) ရက်
2017 AFC u-19 Womens Championship Qualifiers ပွဲစဉ်များ စတင်ကျင်းပ
မြန်မာ ယူ-၁၉ အမျိုးသမီးအသင်းက ပါလက်စတိုင်း ယူ-၁၉ အမျိုးသမီးအသင်းကို ဆယ်ဂိုး ဂိုးမရှိဖြင့် အနိုင်ရရှိ
Vietnam Youth Newspaper Clear Men Cup 2016 အုပ်စု (ခ) ဒုတိယပွဲစဉ်တွင် မြန်မာ ယူ-၂၁ အသင်းက ဂျပန်ကလပ် ယိုကိုဟားမားအသင်းကို လေးဂိုး တစ်ဂိုးဖြင့် ရှုံးနိမ့်

၂၀၁၆ ၊ ဒီဇင်ဘာ (၂၁) ရက်
ပဏာမ မြန်မာယူ၁၈ အသင်း ရှန်ဟိုင်းတုံဂျီ တက္ကသိုလ်နှင့် နှစ်ဂိုးစီ သရေကျ။

၂၀၁၆ ၊ ဒီဇင်ဘာ (၂၂) ရက်
မြန်မာနိုင်ငံ ဘောလုံးအဖွဲ့ချုပ်၊ တပ်မတော် ကိုယ်ခံပညာနှင့် တပ်မတော် ဘောလုံးအကယ်ဒမီ တို့မှ ပူးပေါင်းဖွင့်လှစ်သည့် AFC “C” Certificate Coaching Course သင်တန်းဆင်းပွဲ အခမ်းအနားကို ယမန်နေ့ ဒီဇင်ဘာ ၂၁ ရက်က ရဲမွန်တပ်မြို့ တပ်မတော် ကိုယ်ခံပညာနှင့် အားကစားသိပ္ပံ ခန်းမတွင် ပြုလုပ်ခဲ့သည်။

နည်းပြချုပ် မစ္စတာ ဂတ်ဆီဇီအား (၂)နှစ် သက်တမ်းတိုး စာချုပ်ချုပ်ဆို
မြန်မာ ယူ-၁၉ အမျိုးသမီးအသင်းက ကာဂျစ်စတန် ယူ-၁၉ အမျိုးသမီးအသင်းကို လေးဂိုး ဂိုးမရှိဖြင့် အနိုင်ရရှိ။

၂၀၁၆ ၊ ဒီဇင်ဘာ (၂၄) ရက်
Vietnam Youth Newspaper Clear Men Cup 2016 ပဉ္စမနေရာလုပွဲတွင် မြန်မာ ယူ-၂၁ အသင်းက ကိုရီးယားကလပ် Gangwon FC ကို ပယ်နယ်တီအဆုံးအဖြတ်ဖြင့် အနိုင်ရရှိခဲ့သည်။
2017 AFC u-19 Womens Championship Qualifiers အဆုံးအဖြတ်ပွဲစဉ်အဖြစ် မြန်မာယူ-၁၉ အမျိုးသမီးအသင်းက ထိုင်း ယူ-၁၉ အမျိုးသမီးအသင်းကို နှစ်ဂိုး တစ်ဂိုးဖြင့် ရှုံးနိမ့်။

၂၀၁၆ ၊ ဒီဇင်ဘာ (၂၆) ရက်
၂၀၁၇ အာဆီယံ ယူ-၁၅ အမျိုးသမီး ဘောလုံးပြိုင်ပွဲ ပွဲစဥ ်ဇယားထွက်ပေါ်။