ဇူလိုင် ၁၀ ရက်က စတင်ခဲ့သည့် AFF Myanmar Futsal Club Championship ဘောလုံးပြိုင်ပွဲ ပွဲဦးထွက် ပွဲစဉ်များတွင် မြန်မာ့လက်ရွေး စင် အမျိုးသမီးဖူဆယ်အသင်းသည် ရှုံးပွဲကြုံတွေ့ခဲ့ပြီး MIC အသင်းမှာလည်း သရေ တစ်မှတ်သာရရှိခဲ့သည်။

ဇူလိုင် ၁၀ ရက်တွင် ကစားခဲ့သည့် ပထမပွဲစဉ်တွင် ခွန်ခမ်အသင်းက ဘန်ကောက်အသင်းကို ၄-၁ ဂိုးဖြင့် အနိုင် ရရှိခဲ့သည်။ ဒုတိယ ပွဲစဉ်တွင် မြန်မာဖူဆယ်ကလပ်အသင်း MIC နှင့် အင်ဒိုနီးရှားကလပ် ဘလက်စတီးအသင်းတို့ ယှဉ်ပြိုင်ကစားကြရာ တစ်ဖက်တစ်ဂိုး စီဖြင့် ပြီးဆုံးခဲ့သည်။ တတိယပွဲစဉ်အဖြစ် မြန်မာ့လက်ရွေးစင် အမျိုးသမီးဖူဆယ် W FC အသင်းနှင့် အင်ဒိုနီးရှားကလပ် ဂျာရာအသင်းတို့ ယှဉ်ပြိုင်ကစားခဲ့ပြီး ဂျာရာအသင်းက W FC အသင်းကို ၅-၃ ဂိုးဖြင့် အနိုင်ရရှိခဲ့သည်။ ဇူလိုင် ၁၀ ရက်၏ နောက်ဆုံး စတုထ္ထပွဲစဉ်တွင် လာအိုကလပ် လျန်ဆန်နှင့် ဗီယက်နမ်ကလပ် ထိုင်ဆောင်နမ်အသင်းတို့ ယှဉ်ပြိုင်ကစားခဲ့ရာ ထိုင်ဆောင်နမ်အသင်းက ၁၄-၄ ဂိုးဖြင့် အနိုင်ရခဲ့သည်။

(လက်ရွေးစင်အမျိုးသမီး W FC အသင်း)

လက်ရွေးစင်အမျိုးသမီး W FC အသင်းသည် ဇူလိုင် ၁၁ ရက် ညနေ ၄း၃၀ အချိန်တွင် ထိုင်းကလပ် ဘန်ကောက်အသင်းနှင့် ဆက်လက် ကစားမည်ဖြစ်သလို MIC အသင်းသည် ည ရး၀၀ နာရီတွင် လာအို ကလပ်လျန်ဆန်အသင်းနှင့် ကစားရမည်ဖြစ်သည်။ W FC အသင်း သည် ပွဲဦးထွက်တွင် ရှုံးနိမ့်ခဲ့သောကြောင့် ဘန် ကောက်အသင်းနှင့်ပွဲတွင် ရလဒ်ကောင်းရရှိရန် လိုအပ်နေသည်။ အလားတူ ပွဲဦးထွက် တွင် သရေကျခဲ့သည့် MIC အသင်းမှာလည်း နောက်တစ်ဆင့်တက်ရောက်နိုင်ရန် လာအိုကလပ်အသင်းနှင့်ပွဲတွင် ရလဒ်ကောင်းရရှိ ရန် လိုအပ်နေသည်။

AFF Myanmar Futsal Club Championship ဒုတိယနေ့ပွဲစဉ်များ

ဂျာရာ – ထိုင်ဆောင်နမ်(8) (၁၁း၃၀) ဝဏ္ဏသိဒ္ဓိ၊ ဖူဆယ်အားကစားရုံ

ထိုင်ဆောင်နမ် – ထိုင်းပေါ့စ် (၁၄း၀၀) ဝဏ္ဏသိဒ္ဓိ၊ ဖူဆယ်အားကစားရုံ

W FC – ဘန်ကောက် (၁၆း၃၀) ဝဏ္ဏသိဒ္ဓိ၊ ဖူဆယ်အားကစားရုံ

လျန်ဆန် – MIC (၁၉း၀၀) ဝဏ္ဏသိဒ္ဓိ၊ ဖူဆယ်အားကစားရုံ