အာရှဘောလုံးအဖွဲ့ချုပ် (AFC) နှင့် မြန်မာနိုင်ငံဘောလုံးအဖွဲ့ချုပ် (MFF) တို့ ပူးပေါင်းကြီးမှူး ကျင်းပသည့် AFC/MFF “A” Diploma Coaching Course Module-1 နည်းပြသင်တန်းဖွင့်ပွဲ အခမ်းအနားကို ၂၀၂၆ ခုနှစ်၊ စက်တင်ဘာ ၂၈ ရက် နံနက်ပိုင်းက ရန်ကုန်မြို့ရှိ မြန်မာနိုင်ငံဘောလုံးအဖွဲ့ချုပ် အစည်းအဝေးခန်းမ၌ ကျင်းပခဲ့သည်။

ရှေးဦးစွာ အခမ်းအနားကို စတင်ကြောင်း ကြေညာခဲ့ပြီး တက်ရောက်လာကြသည့် မြန်မာနိုင်ငံဘောလုံးအဖွဲ့ချုပ်မှ တာဝန်ရှိသူများနှင့် သင်တန်းသားများအား တစ်ဦးချင်း မိတ်ဆက်ပေးခဲ့သည်။

ထို့နောက် မြန်မာနိုင်ငံဘောလုံးအဖွဲ့ချုပ် အလုပ်အမှုဆောင် ဦးစိုးမြတ်မင်းက သင်တန်းဖွင့်အမှာစကား ပြောကြားခဲ့ပြီး၊ AFC နှင့် MFF တို့မှ တာဝန်ပေးအပ်ထားသော သင်တန်းနည်းပြဆရာ/ MFF နည်းစနစ်ဒါရိုက်တာ Mr. Michiteru Mita က ကြိုဆိုနှုတ်ခွန်းဆက်စကား ပြောကြားခဲ့သည်။

ယင်းနောက် အခမ်းအနား ပြီးမြောက်ကြောင်း ကြေညာကာ တက်ရောက်လာသူများ စုပေါင်းမှတ်တမ်းဓာတ်ပုံ ရိုက်ကူးခဲ့ကြသည်။

အဆိုပါ AFC/MFF “A” Diploma Coaching Course Module-1 နည်းပြသင်တန်းကို ၂၀၂၆ ခုနှစ်၊ စက်တင်ဘာ ၂၇ ရက်မှ အောက်တိုဘာ ၃ ရက်အထိ ပို့ချသင်ကြားသွားမည်ဖြစ်ပြီး သင်တန်းသား ၁၆ ဦး တက်ရောက်သင်ယူလျက် ရှိသည်။