မြန်မာ့လက်ရွေးစင် အမျိုးသမီး ဖူဆယ်အသင်းသည် ထိုင်းနိုင်ငံတွင် ကျင်းပလျက်ရှိသည့် NSDF Women’s Futsal Championship 2022 ပြိုင်ပွဲတွင် အသင်း၏ အဖွင့် ပွဲစဉ်အဖြစ် ဧပြီ ၂၀ ရက် ညနေပိုင်းက ယှဉ်ပြိုင်ကစားခဲ့သော ထိုင်းလက်ရွေးစင် အမျိုးသမီးအသင်းနှင့် ပွဲစဉ်တွင် ၇-၀ ဂိုးဖြင့် ရူံးနိမ့်ခဲ့သည်။

မြန်မာအသင်းသည် ထိုင်းအသင်းကို မယှဉ်နိုင်ဘဲ ပထမပိုင်းတွင် ၂ ဂိုး ၊ ဒုတိယပိုင်းတွင် ၅ ဂိုးပေးလိုက်ရခြင်းဖြစ်သည်။

အစောပိုင်း ယှဉ်ပြိုင်ကစားခဲ့သော ထိုင်းအောလ်စတားနှင့် ဩစတြေးလျကလပ် ဆောက်ပါ့ခ်အသင်းတို့ ပွဲစဉ်တွင် ထိုင်းအောလ်စတားအသင်းက ၃-၀ ဂိုးဖြင့် အနိုင်ရခဲ့သည်။

မြန်မာအသင်းသည် အုပ်စု ဒုတိယပွဲစဉ် အဖြစ် ဧပြီ ၂၃ ရက်၊ မြန်မာစံတော်ချိန် ညနေ၃း၃၀ အချိန်တွင် ထိုင်းအောလ်စတားအသင်းနှင့် ထပ်မံ ယှဉ်ပြိုင်ကစားရမည် ဖြစ်သည်။