မြန်မာ့လက်ရွေးစင် ဖူဆယ် အမျိုးသားအသင်းသည် (၃၁) ကြိမ်မြောက် ဆီးဂိမ်းပြိုင်ပွဲ ဝင်ရောက်ယှဉ်ပြိုင်ရန် အတွက် ဗီယက်နမ်နိုင်ငံသို့ မေလ ၇ ရက် နံနက်ပိုင်းက ရန်ကုန်အပြည်ပြည်ဆိုင်ရာ လေဆိပ်မှ ထွက်ခွာသွားခဲ့သည်။

မြန်မာ့လက်ရွေးစင် အမျိုးသား ဖူဆယ်အသင်းသည် အုပ်ချုပ်နည်းပြ အဖွဲ့ဝင် ရှစ်ဦးနှင့်အတူ ကစားသမား ၁၆ ဦးတို့ဖြင့် (၃၁) ကြိမ်မြောက် ဆီးဂိမ်းပြိုင်ပွဲကို ဝင်ရောက်ယှဉ်ပြိုင်မည် ဖြစ်သည်။

မြန်မာ့လက်ရွေးစင် ဖူဆယ် အမျိုးသား အသင်းသည် မေလ ၁၄ ရက်တွင် အင်ဒိုနီးရှားအသင်းနှင့် စတင်ယှဉ်ပြိုင် ကစားရမည် ဖြစ်သည်။ ထို့နောက် မေ ၁၆ ရက်တွင် ထိုင်းအသင်းနှင့် လည်းကောင်း မေ ၁၈ ရက်တွင် အိမ်ရှင်ဗီယက်နမ်အသင်းနှင့်လည်းကောင်း၊ မေ ၂၀ ရက်တွက် မလေးရှားအသင်းနှင့် လည်း‌ကောင်း အသီးသီးယှဉ်ပြိုင် ကစားရမည် ဖြစ်သည်။