MFF Futsal League 1 & 2 (2022) ပြိုင်ပွဲများ၏ အကြိုညှိနှိုင်းအစည်းအဝေးနှင့် ပွဲစဉ်များ မဲခွဲပွဲအခမ်အနားကို ဖေဖော်ဝါရီ ၆ ရက် နံနက်ပိုင်းက မြန်မာနိုင်ငံဘောလုံးအဖွဲ့ချုပ် အစည်းအဝေးခန်းမတွင် ကျင်းပခဲ့သည်။

အခမ်းအနားသို့ မြန်မာနိုင်ငံဘောလုံးအဖွဲ့ချုပ် ဖူဆယ်နှင့် သဲသောင်ပြင်ကော်မတီ ဥက္ကဋ္ဌ ဒေါက်တာရဲမွန်ထွဋ်၊ ဒုတိယ ဥက္ကဋ္ဌ ဦးနိုင်သောင်းထိုက်၊ MFF Futsal League 1 & 2 ပြိုင်ပွဲဝင်အသင်းများမှ တာဝန်ရှိသူများနှင့် ဘောလုံးအဖွဲ့ချုပ်မှ တာဝန်ရှိသူများ တက်ရောက်ခဲ့ကြသည်။

အခမ်းအနားတွင် ကော်မတီ ဥက္ကဋ္ဌ ဒေါက်တာရဲမွန်ထွဋ်က အဖွင့်အမှာစကားနှင့် ပြိုင်ပွဲပတ်သက်သည့် အကြောင်းအရာများကို ရှင်းလင်းပြောကြားခဲ့သည်။ ထို့နောက် ပွဲစဉ်များ မဲခွဲပွဲကို ဆက်လက်ကျင်းပခဲ့သည်။

MFF Futsal League 1 (2022) ပြိုင်ပွဲကို ဖေဖော်ဝါရီ ၂၆ ရက်တွင် စတင်ကျင်းပမည်ဖြစ်ပြီး MIU FC, VUC FC, MFF U-18 Team, , Winner Soccer FC, Dream Team FC, AMM Brothers FC, Futsal Chit Thu FC, AKG FC, Futsal 19 FC, Generations FC တို့ပါဝင်ယှဉ်ပြိုင်ကြမည်ဖြစ်သည်။

MFF Futsal League 2 (2022) ပြိုင်ပွဲကို မတ်လ ၁ ရက်တွင် စတင်ကျင်းပမည်ဖြစ်ပြီး Let Wel Thone Nara FC, Dream Team Legends FC, Shwe Pyi Thar FC, M- Million FC, Yoma FC, Red Eagle FC, NY FC, Maryar FC တို့ ပါဝင်ယှဉ်ပြိုင်ကြမည် ဖြစ်သည်။