မြန်မာနိုင်ငံဘောလုံးအဖွဲ့ချုပ်နှင့် အာရှဘောလုံးအဖွဲ့ချုပ်တို့မှ ပူးပေါင်းဖွင့်လှစ်မည့် AFC Futsal Coaching Certificate Course- Level 1 ကို ရန်ကုန်မြိုတွင် မေ ၁၅ ရက်တွင် ဖွင့်လှစ်သွားမည်ဖြစ်သည်။ သို့ဖြစ်ရာ ထိုသင်တန်းသို့ တက်ရောက်လိုသူ နည်းပြများ အနေဖြင့် မြန်မာ နိုင်ငံဘောလုံးအဖွဲ့ချုပ်သို့ မေ ၅ရက် ညနေ ၄နာရီ နောက်ဆုံးထား၍ လာရောက်လျှောက်ထားနိုင်သည်။

သင်တန်းတက်ရောက်လိုသူများအနေဖြင့်

• အသက် (၁၈) နှစ်ပြည့်ပြီးသူ ဖြစ်ပြီး အနိမ့်ဆုံး ပညာအရည်အချင်း(၁၀) တန်းဖြစ်ရမည်။ (မြန်မာ့လက်ရွေးစင် အဖြစ်ကစားခဲ့ဖူပါက လျော့ပေါ့စဉ်းစားမည် ဖြစ်သည်။)
• ဝန်ထမ်းဖြစ်ပါက သက်ဆိုင်ရာ ကလပ်၊ အသင်း၊ ဝန်ကြီးဌာန အဖွဲ့အစည်း၏ ထောက်ခံစာပါရှိရမည်။
• ဖူဆယ်ကစားနည်းကို ကောင်မွန်စွာ ကစားနိုင်သူဖြစ်ပြီး နည်းပြခြင်းကို စိတ်ပါဝင်စားစွာ လုပ်ဆောင်လိုသူ ဖြစ်ရမည်။
• ကျန်းမာရေးကောင်းမွန်ပြီး သင်တန်းတွင် လက်တွေ့လေ့ကျင့်မှု သင်ခန်းစာများကို လုပ်ဆောင်နိုင်သူ ဖြစ်ရမည်။
• လက်ရှိနည်းပြတာဝန်ထမ်းဆောင်နေသူများနှင့် မြန်မာနိုင်ငံဘောလုံးအဖွဲ့ချုပ်မှ ဖွင့်လှစ်သော ဖူဆယ်အခြေခံသင်တန်းတက်ရောက်ဖူးသူများကို ဦးစားပေးရွေးချယ်သွားမည်။
• သင်တန်းကာလ ပြီးဆုံးအောင် တက်ရောက်နိုင်သူဖြစ်ရမည်။
• အင်္ဂလိပ်ဘာသာကို အတော်အသင့် နားလည်သူဖြစ်ရမည်။
• ကွန်ပျူတာဗဟုသုတ ရှိရမည်ဖြစ်ပြီး Power Point ဖြင့်တင်ပြဆွေးနွေးနိုင်ရမည်။
• သင်တန်းတက်ရောက်ရန် ရွေးချယ်ခံရပါက သင်တန်းဝင်ကြေးအဖြစ် နိုင်ငံသားတစ်ဦးလျှင် မြန်မာငွေ ကျပ် တစ်သိန်း၊ နိုင်ငံခြားသားတစ်ဦးလျှင် အမေရိကန် ဒေါ်လာခုနှစ်ရာ ပေးသွင်းရမည်ဖြစ်သည်။

သင်တန်းကို မေ ၁၅ ရက်မှ ၂၀ ရက်အထိ မြန်မာနိုင်ငံဘောလုံးအဖွဲ့ချုပ်တွင် ဖွင့်လှစ်သွားမည်ဖြစ်သည်။