ကမ္ဘာ့ဘောလုံးအဖွဲ့ချုပ်(FIFA)နှင့် အာရှဘောလုံးအဖွဲ့ချုပ် (AFC)လူမှုရေးကော်မတီ ဥက္ကဌ ဦးဇော်ဇော်သည် ယနေ့ စက်တင်ဘာ ၂၀ ရက် မနက်ပိုင်းက ဂျပန်နိုင်ငံ Conrad Nagoya Hotel, Nagoya တွင် ကျင်းပသည့် အာရှဘောလုံး အဖွဲ့ချုပ် AFC Dream Asia Foundation အစည်းအဝေးသို့ တက်ရောက်ခဲ့သည်။

အစည်းအဝေးသို့ 🇸🇦ဆော်ဒီအာရေဗျနိုင်ငံ အိမ်ရှေ့မင်းသား HRH Prince Abdulaziz Bin Turki AlFaisal (Chairperson)၊ 🇲🇲U Zaw Zaw (Senior Vice President, AFC)၊ 🇰🇭Major General Khiev Sameth (Member, Cambodia )၊ 🇭🇰Mr. Timothy Fok Tsun Ting (Member, Hong Kong, China), 🇮🇳Mr. Praful Manoharbhai Patel (Member, India) တို့တက်ရောက်ခဲ့ကြသည်။

အစည်းအဝေးတွင် မြောက်မာရီယားနား ကျွန်းစု၏ စူပါတိုင်ဖုန်း မုန်တိုင်းဒဏ်ကြောင့် ထိခိုက်မှုမှ ပြန်လည်တည်ဆောက်ရေး ပရိုဂရမ်၊ AFC ကလပ်ပြိုင်ပွဲဆုကြေးများမှ ၅ ရာခိုင်နှုန်းအား လူမှုဖွံ့ဖြိုးရေးတွင် အသုံးပြုမည့် Kawasaki Frontale အသင်း၏ Blue Dream Programme နှင့် Sharjah FC အသင်း၏ Football for Hope Programme များ၊ မန္တလေး ဘောလုံးအကယ်ဒမီ ထိခိုက်ပျက်စီးခြင်းနှင့် အသစ်ပြန်လည်တည်ဆောက်ရေး ကြိုးပမ်းနေမှုများအားဦးဇော်ဇော်မှ ဆွေးနွေးတင်ပြခဲ့ပါသည်။

ထို့အပြင် အစည်းအဝေး၌
၁။ အာရှဘောလုံးအဖွဲ့ချုပ်၏ မူဝါဒနှင့် လမ်းညွှန်ချက်များ
▪️၂၀၂၆ ခုနှစ် ဩဂုတ်လတွင် အသစ်ပြင်ဆင်ထုတ်ပြန်ခဲ့သည့် AFC Child Safeguarding and Protection Policy (2026 Edition) မူဝါဒနှင့် AFC Social Responsibility Toolkit 2026 တိုးတက်မှုအခြေအနေများ၊

၂။ မဟာဗျူဟာမြောက် ပူးပေါင်းဆောင်ရွက်မှုများ
▪️အင်ဒိုနီးရှားနိုင်ငံမှ ASA Foundation (Goals for Good စီမံကိန်း) နှင့် မလေးရှားနိုင်ငံမှ The Lost Food Project – TLFP (Football for Food စီမံကိန်း) တို့နှင့် AFC အကြား နားလည်မှုစာချွန်လွှာ (MoU) ရေးထိုးခဲ့မှုများ၊

၃။ ကုလသမဂ္ဂ (UN) နှင့် ပူးပေါင်းဆောင်ရွက်မှု
▪️UN Football for the Goals (FFTG) အစီအစဉ်တွင် အာရှအဖွဲ့ချုပ်ပေါင်း ၃၈ ခု ပါဝင်လက်မှတ်ရေးထိုးထားမှုနှင့် အာရှမှ အထူးသံတမန် ၄ ဦး (Park Ji-sung, Moya Dodd, Khalida Popal, Alex Chidiac) ခန့်အပ်ထားရှိမှု

၄။ ကလေးသူငယ် ကာကွယ်စောင့်ရှောက်ရေး အရာရှိများ
▪️AFC အဖွဲ့ဝင် ၄၆ နိုင်ငံနှင့် ဒေသဆိုင်ရာ အဖွဲ့ချုပ် ၄ ခုတို့တွင် Dedicated Child Safeguarding Officers (CSGO) များ ခန့်အပ်ပြီးစီးခဲ့သည့် အခြေအနေများကိုလည်း အကျယ်တဝင့် ဆွေးနွေးခဲ့ကြသည်။

AFC Dream Asia Foundation အနေဖြင့် အာရှဒေသ ဘောလုံးလောကအတွင်း ကလေးသူငယ် ကာကွယ်စောင့်ရှောက်ခြင်း (Child Safeguarding)၊ ပညာရေးနှင့်လူမှုရေးလုပ်ငန်းများကူညီဆောင်ရွက်ခြင်းတို့ကို အဓိကထား ဆောင်ရွက်နေသော ကော်မတီ တစ်ရပ်ဖြစ်ပါသည်။