မြန်မာနိုင်ငံဘောလုံးအဖွဲ့ချုပ် (MFF) နှင့် မိတ်ဖက်ကုမ္ပဏီများအကြား မြန်မာ့လက်ရွေးစင်ဘောလုံးအသင်းများ၏ လှုပ်ရှားမှုများနှင့် နိုင်ငံဘောလုံးဖွံ့ဖြိုးရေးလုပ်ငန်းများအတွက် စပွန်ဆာ (Sponsor) ပံ့ပိုးပေးအပ်ခြင်း သဘောတူစာချုပ် လက်မှတ်ရေးထိုးပွဲ အခမ်းအနားကို ၂၀၂၆ ခုနှစ်၊ စက်တင်ဘာလ ၁၇ ရက် (ကြာသပတေးနေ့) မွန်းလွဲ ၁:၀၀ နာရီတွင် ရန်ကုန်မြို့ရှိ Novotel Yangon Max Hotel (Pathein Room) ၌ စည်ကားသိုက်မြိုက်စွာ ကျင်းပခဲ့ပါသည်။

အခမ်းအနားသို့ မြန်မာနိုင်ငံ ဘောလုံးအဖွဲ့ချုပ် နာယက ဒေါက်တာစိုင်းဆမ်ထွန်း၊ ဥက္ကဋ္ဌ ဦးဇော်ဇော်၊ ဒုတိယဥက္ကဋ္ဌ ဦးထိပ်ခွန်နောင်မြင့်ဝေ၊ စပွန်ဆာပံ့ပိုးပေးကြသည့် လုပ်ငန်းရှင်များ၊အဖွဲ့ချုပ် အလုပ်အမှုဆောင်များ၊ မြန်မာ့လက်ရွေးစင် နည်းပြချုပ်နှင့်နည်းပြများ၊ ကစားသမားများ၊ ဧည့်သည်တော်များ တက်ရောက်ခဲ့ကြသည်။

အခမ်းအနားတွင် မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော် က ကြိုဆိုနှုတ်ခွန်းဆက်စကားနှင့် ပံ့ပိုးပေးကြသော မိတ်ဖက်အဖွဲ့အစည်းများအား ကျေးဇူးတင်စကား ပြောကြားခဲ့ပါသည်။

ယင်းနောက် သဘောတူစာချုပ်များ ချုပ်ဆိုရေးအတွက် မိတ်ဖက်ကုမ္ပဏီများနှင့် မြန်မာနိုင်ငံဘောလုံး အဖွဲ့ချုပ် ဒုတိယ ဥက္ကဋ္ဌ ဦးထိပ်ခွန်နောင်မြင့်ဝေနှင့် မြန်မာနိုင်ငံ ဘောလုံးအဖွဲ့ချုပ် Media and Marketing Committee Chairman ဦးထက်ခိုင်ဝင်းတို့က စင်မြင့်ပေါ်တွင် နေရာယူခဲ့ကြပြီး အောက်ပါ မိတ်ဖက်ကုမ္ပဏီ၊ အဖွဲ့အစည်းများနှင့် စပွန်ဆာပံ့ပိုးမှု သဘောတူစာချုပ်များကို အသီးသီး လက်မှတ်ရေးထိုးခဲ့ကြသည် –

၁။ Ayeyarwady Bank
ဧရာဝတီဘဏ် (Ayeyarwady Bank) မှ ထောက်ပံ့ငွေကျပ်သိန်းပေါင်း (၃၀၀၀၀) ပံ့ပိုးမှုပြုလုပ်ရန် သဘောတူခဲ့ပြီး AYA Bank CEO ဒေါ်ဂျပ်စမင်သဇင်အောင်၊ AYA PAY Deputy CEO ဦးမြတ်မင်းထင်ကျော်တို့က လက်မှတ်ရေးထိုးခဲ့ကြသည်။

၂။ Max Myanmar Construction
ငလျင်ကြောင့် ပြိုကျပျက်စီးသွားသော မန္တလေးအကယ်ဒမီ ပြန်လည်တည်ဆောက်ခြင်း လုပ်ငန်းစဉ်များအတွက် ပံ့ပိုးကူညီသည့်အနေဖြင့် ငွေကျပ်သိန်းပေါင်း (၂၀၀၀၀)နှင့် ညီမျှသည့် ပြန်လည်တည်ဆောက်ရေး လုပ်ငန်းစဉ်အျားအတွက် ပံ့ပိုးကူညီထောက်ပံ့ရန် သဘောတူခဲ့ပြီး Max Myanmar Construction Co., Ltd မန်နေဂျင်း ဒါရိုက်တာ ဒေါ်သက်နှင်းစိုးနှင့် Admin ဒါရိုက်တာ ဦးခင်မောင်ထွန်းတို့က လက်မှတ်ရေးထိုးခဲ့ကြသည်။ အဆိုပါ မန္တလေး အကယ်ဒမီ ပြန်လည်တည်ဆောက်ရေး လုပ်ငန်းစဉ်များအတွက် စုစုပေါင်းခန့်မှန်းကုန်ကျငွေမှာ ငွေကျပ်သိန်းပေါင်း (၁၀၀,၀၀၀) ကုန်ကျမည် ဖြစ်ပါသည်။

၃။ Novotel Yangon Max Hotel

Novotel Yangon Max Hotel မှ USD 90,000 နှင့်ညီမျှသော ပံ့ပိုးကူညီမှုများအတွက် Max Myanmar Hotel Group Managing Director ဦးဘိုချန်ထွန်း၊ Novotel Yangon Max Hotel မှ မစ္စတာ ကီရန်ဗဟာဒူးတို့က လက်မှတ်ရေးထိုးခဲ့ကြသည်။

၄။ Dong Luc Joint Stocks Co., Ltd (Jogarbola)

Dong Luc Joint Stocks Co., Ltd (Jogarbola) မှ မြန်မာ့လက်ရွေးစင် အသင်းများအတွက် အားကစားဝတ်စုံများနှင့် Dong Luc အမှတ်တံဆိပ် ဘောလုံးများ ပံ့ပိုးပေးရန် သဘောတူခဲ့ပြီး Jogarbola Myanmar Managing Director ဦးမင်းဇင်ဦးက လက်မှတ်ရေးထိုးခဲ့သည်။

၅။ Royal D
Myanmar Oasis Manufacturing Co., Ltd (Royal D)မှ ပံ့ပိုးထောက်ပံ့ငွေကျပ် သိန်းပေါင်း (၅၀၀၀)နှင့် Royal D အချိုရည်ကတ်ပေါင်း ၅၀၀၀ ထောက်ပံ့မှုအတွက် Senior Commercial Manager ဒေါ်စုသာနိုင်၊ Sports Development Lead ဦးစိုပြေအောင်တို့က လက်မှတ်ရေးထိုးခဲ့ကြသည်။

၆။Fresh
Zeya & Associates Co., Ltd (Fresh) မှ ပံ့ပိုးထောက်ပံ့ငွေကျပ် သိန်း (၃၁၅၀) အတွက် Zeya & Associates Co., Ltd (Fresh)မှ ကေခိုင်သူရမွန်နှင့် Head of Finance ဦးလှမျိုးသန့်တို့က လက်မှတ်ရေးထိုးခဲ့ကြသည်။

၇။ မန္တလာမင်း
Mandalar Minn Trading & Transportation Co., Ltd မှ ငွေကျပ်သိန်းပေါင်း (၃၁၀၀)နှင့် ညီမျှသော Transportation ဆိုင်ရာ ပံ့ပိုးကူညီမှုများအတွက် Managing Director ဒေါ်လဲ့လဲ့အေးနှင့် Director ဦးခင်အောင်တို့က လက်မှတ်ရေးထိုးခဲ့ကြသည်။

၈။ မြတ်မေတ္တာမွန်
Myat Myittar Mon Co., Ltd (MMTM) မှ ပံ့ပိုးထောက်ပံ့ငွေကျပ် သိန်း (၁၅၀၀)အတွက် General Manager ဦးဟန်ညီညီက လက်မှတ်ရေးထိုးပေးခဲ့သည်။

၉။ Shwe Nadi APP
Shwe Nadi APP မှ ပံ့ပိုးထောက်ပံ့ငွေ ကျပ်သိန်း (၁၅၀၀) အတွက် Shwe Nadi Shwe Yi group of companies ကိုယ်စား Shwe Nadi app မှ CEO ဒေါ်စန်းစန်းဝင်းနှင့် Head of Digital Marketing ဦးကောင်းမြတ်တို့က လက်မှတ်ရေးထိုးခဲ့ကြသည်။

၁၀။ Mercure Hotel
Mercure Yangon Kaba Aye မှ ကျပ်သိန်း (၁၀၀၀)နှင့် ညီမျှသည့် ပံ့ပိုးကူညီမှုများအတွက် အထွေထွေမန်နေဂျာ ဦးမင်းလွင်ဦးနှင့် Marketing and Communication Manager ဒေါ်စုငြိမ်းစံတို့က လက်မှတ်ရေးထိုးခဲ့ကြသည်။

၁၁။ YPP
YPP သာမညဖြိုး မှ ကျပ်သိန်း(၁၀၀၀)ပံ့ပိုးကူညီမှုအတွက် ဒေါ်နီနီလွင်အောင်မှ လက်မှတ်ရေးထိုးခဲ့ပါသည်။

၁၂။ GGG Co., Ltd
Golden Gate Global Myanmar မှ ကျပ်သိန်း(၈၀၀)ပံ့ပိုးကူညီမှု အတွက် ဒေါ်မေသူခိုင်က လက်မှတ်ရေးထိုးခဲ့ပါသည်။

၁၃။ MMHT
MMHTမှ ကျပ်သိန်း(၈၀၀)ပံ့ပိုးကူညီမှုအတွက် မန်နေဂျင်း​ဒါရိုက်တာ ဦးကျော်ထက်ဦးက လက်မှတ်ရေးထိုးခဲ့ပါသည်။

၁၄။ Alpine
Loi Hein Co., Ltd မှ Alpine သောက်ရေသန့်ကဒ်(၁၀၀၀၀) ပံ့ပိုးကူညီခြင်းအတွက် ဒါရိုက်တာ ဦးစိုးမိုးလှိုင်က လက်မှတ်ရေးထိုးပေးခဲ့သည်။

၁၅။ Forever Media Group

Forever Media Group(MRTV-4) – မြန်မာနိုင်ငံဘောလုံးအဖွဲ့ချုပ် Broadcasting Partner အဖြစ်သဘောတူခြင်းအတွက် Chief Excutive Officer ဒေါက်တာဟိန်းထက်အေးနှင့် Head of Sports ဦးထက်ဝေယံဝင်း တို့က လက်မှတ်ရေးထိုးခဲ့ပါသည်။

Sponsor မိတ်ဖက်များအား အမှတ်တရလက်ဆောင်များ ပေးအပ်

သဘောတူစာချုပ်များ လက်မှတ်ရေးထိုးပြီးတိုင်း မြန်မာ့လက်ရွေးစင်အသင်းဂျာစီနှင့် နိုင်ငံ့လက်ရွေးစင်ဘောလုံးသမားများ လက်မှတ်ရေးထိုးထားသည့် ဘောလုံးများကို Sponsor မိတ်ဖက်ကုမ္ပဏီများထံ အမှတ်တရလက်ဆောင်အဖြစ် ပြန်လည်ပေးအပ်ခဲ့ကြသည်။
စာချုပ်လက်မှတ်ရေးထိုးပွဲ အခမ်းအနားအပြီးတွင် တက်ရောက်လာကြသော မြန်မာနိုင်ငံဘောလုံးအဖွဲ့ချုပ်မှ တာဝန်ရှိသူများနှင့် မိတ်ဖက်ကုမ္ပဏီများမှ တာဝန်ရှိသူများက အမှတ်တရ စုပေါင်းဓာတ်ပုံရိုက်ကူးခဲ့ကြပြီး အခမ်းအနားကို အောင်မြင်စွာ ရုပ်သိမ်းခဲ့ပါသည်။