မြန်မာ့လက်ရွေးစင် အသင်းသည် အာဆီယံ ချန်ပီယံရှစ် ပြိုင်ပွဲအတွက် ကြိုတင်ပြင်ဆင်သည့် အနေဖြင့် ယခု နိုဝင်ဘာလအတွင်း စင်ကာပူ၊ လက်ဘနွန် အသင်းများဖြင့် ဖီဖာ နိုင်ငံတကာ ခြေစမ်းပွဲများ ကစားမည် ဖြစ်သည်။ အဆိုပါ ခြေစမ်းပွဲများအတွက် ပဏာမ ကစားသမား ၃၇ ဦးအား နည်းပြအဖွဲ့က ရွေးချယ်ထားပြီး နို၀င်ဘာ ၅ ရက်မှစတင်ကာ လေ့ကျင့်မှုများ ပြုလုပ်လျက်ရှိသည်။

မြန်မာအသင်းသည် နိုဝင်ဘာ ၁၄ ရက်၊ မြန်မာစံတော်ချိန် ညနေ (၆း၃၀)နာရီ၊ စင်ကာပူနိုင်ငံ အမျိုးသားအားကစား ကွင်းတွင် စင်ကာပူ လက်ရွေးစင် အသင်း (ဖီဖာအဆင့်-၁၆၂)၊ နိုဝင်ဘာ ၁၉ ရက်၊ ညနေ(၅း၀၀)နာရီ၊ သုဝဏ္ဏကွင်းတွင် လက်ဘနွန် လက်ရွေးစင်အသင်း (ဖီဖာအဆင့်-၁၁၅) တို့နှင့် ဖီဖာနိုင်ငံတကာ ခြေစမ်းပွဲများ ကစားမည်ဖြစ်ပြီး အပြီးသတ် ကစားသမားစာရင်းအား နိုဝင်ဘာ ၁၂ ရက်တွင် နည်းပြအဖွဲ့က ထုတ်ပြန်သွားမည် ဖြစ်သည်။