ဂျပန်-မြန်မာ စကားပြန် ရာထူးလျှောက်ထားနိုင်

မြန်မာနိုင်ငံ ဘောလုံးအဖွဲ့ချုပ် (MFF)သည် မြန်မာ့လက်ရွေးစင် အမျိုးသမီး အသင်းနှင့် သက်တမ်းအလိုက် အမျိုးသမီး လက်ရွေးစင် အသင်းများအတွက် ဂျပန်လူမျိုး နည်းစနစ်ဒါရိုက်တာအား ခန့်အပ်ထားပြီး ဖြစ်ရာ ဘာသာစကား ဆက်သွယ်ပြောဆိုရာတွင် အဆင်ပြေချောမွေ့စေရေး အတွက် ဂျပန်-မြန်မာ စကားပြန်တစ်ဦးအား ခန့်အပ် တာဝန်ပေးသွားမည် ဖြစ်သည်။ အဆိုပါရာထူးအတွက် အောက်ဖော်ပြပါ အရည်အချင်း သက်မှတ်ချက်များနှင့် ကိုက်ညီရမည်ဖြစ်ပြီး ကိုယ်တိုင်ရေး လျှောက်လွှာ (CV)၊ ဘွဲ့လက်မှတ်နှင့် ဂျပန်ဘာသာစကား ကျွမ်းကျင်မှု အထောက်အထား စာရွက်စာတမ်းများနှင့်တကွ မြန်မာနိုင်ငံ ဘောလုံး အဖွဲ့ချုပ်၊ လူ့စွမ်းအား အရင်းအမြစ်ဌာနသို့ ၂၀၂၃ ခုနှစ် ဒီဇင်ဘာ ၂၀ ရက်၊ ရုံးချိန်အတွင်း နောက်ဆုံးထား၍ လူကိုယ်တိုင် ဖြစ်စေ hr.dept@mff-ma.com မှဖြစ်စေ လာရောက်လျှောက်ထားနိုင်ပါသည်။

ဂျပန်-မြန်မာ စကားပြန်ရာထူး အတွက် အရည်အချင်း သက်မှတ်ချက်များ
(၁) ဂျပန်ဘာသာ ကျွမ်းကျင်မှု JLPT N3 နှင့်အထက် အောင်မြင်သူ ဖြစ်ရမည်။
(၂) ဘောလုံးအားကစားကို စိတ်ပါဝင်စားပြီး ဘောလုံးနှင့်ဆိုင်သည့် ဝေါဟာရ အသုံးအနှုန်းများ သိရှိနားလည်ရမည်။
(၃) အမျိုးသား/အမျိုးသမီး အသက် ၁၈နှစ် မှ ၃၅ နှစ်အကြား၊ ကျန်းမာရေး ကောင်းမွန်သူ ဖြစ်ရမည်။
(၄) ပြည်တွင်း/ပြည်ပ ခရီးသွားလာနိုင်သူ ဖြစ်ပြီး ကိုယ်ကျင့်တရား၊ အနေအထိုင်နှင့် စည်းကမ်း ကောင်းမွန်သူ ဖြစ်ရမည်။
(၅) ဂျပန်-မြန်မာ ဘာသာစကား ကျွမ်းကျင်မှုအပြင် English ဘာသာစကား တတ်ကျွမ်းသူကို ဦးစားပေးမည်ဖြစ်သည်။
(၆) ဘွဲ့ရရှိထားသူဖြစ်ရန် လိုအပ်ပြီး ကွန်ပျူတာနှင့် နည်းပညာ အခြေခံရှိရမည်။
(၇) လိုအပ်ပါက ရုံးလုပ်ငန်းချိန် ကျော်လွန်၍ လုပ်ကိုင်နိုင်ရမည်ဖြစ်ပြီး စေတနာအပြည့်ဖြင့် တာဝန်ကျေစွာ ဆောင်ရွက်နိုင်ရမည်။