မြန်မာနိုင်ငံ ဘောလုံးအဖွဲ့ချုပ် (MFF) ဟာ မြန်မာ့ဘောလုံးလောကမှာ လူ့စွမ်းအားအရင်းအမြစ်တွေ ပိုမိုထွန်းကားလာရေးနဲ့ ပြည်တွင်းပြည်ပ ဘောလုံးပွဲစဉ်တွေ တာဝန်ယူဆောင်ရွက်နိုင်မယ့် ပြိုင်ပွဲကြီးကြပ်သူ Match Commissioner (MC) များအတွက် AFC-MFF MC Seminar and LOC Workshop ကို သုဝဏ္ဏဘောလုံးကွင်းမှာ ဖွင့်လှစ်နေပြီ ဖြစ်ပါတယ်။ 

သင်တန်းဖွင့်ပွဲ အခမ်းအနားကို ရန်ကုန်မြို့၊ သုဝဏ္ဏဘောလုံးကွင်း သတင်းစာရှင်းလင်းပွဲခန်းမမှာ ပြုလုပ်ခဲ့ပြီး အာရှဘောလုံးအဖွဲ့ချုပ်မှ ပြိုင်ပွဲကျင်းပရေး တာဝန်ရှိသူနှင့် သင်တန်းနည်းပြဆရာ Mr. Brian See Mei Chiat၊ မြန်မာနိုင်ငံ ဘောလုံးအဖွဲ့ချုပ် တွဲဘက်အထွေထွေအတွင်းရေးမှူး ဦးစည်သူဝင်း၊ မြန်မာနေရှင်နယ်လိဂ် ဒုတိယဥက္ကဋ္ဌ (၁) နဲ့ အမှုဆောင်အရာရှိချုပ် ဦးကိုကိုသိန်း၊ မြန်မာနိုင်ငံဘောလုံးအဖွဲ့ချုပ်နဲ့ မြန်မာနေရှင်နယ်လိဂ်မှ တာဝန်ရှိသူတွေ၊ သင်တန်းသားတွေ တက်ရောက်ခဲ့ကြပါတယ်။ 

AFC-MFF MC Seminar and LOC Workshop ကို ဇွန် ၁၂ မှ ၁၃ ထိ ကျင်းပသွားမှာဖြစ်ပြီး သင်တန်းသား/သူ စုစုပေါင်း ၄၆ ဦး တက်ရောက်လျက် ရှိပါတယ်။